अक्स उभरा न था आईना-ए-दिल-दारी का
हिज्र ने खींच दिया दायरा ज़ंगारी का
नाज़ करता था तवालत पे कि वक़्त-ए-रुख़्सत
भेद साए पे खुला शाम की अय्यारी का
जिस क़दर ख़र्च किए साँस हुई अर्ज़ानी
निर्ख़ गिरता गया रस्म-ओ-रह-ए-बाज़ारी का
रात ने ख़्वाब से वाबस्ता रिफ़ाक़त के एवज़
रास्ता बंद रखा दिन की नुमूदारी का
ऐसा वीरान हुआ है कि ख़िज़ाँ रोती है
कल बहुत शोर था जिस बाग़ में गुल-कारी का
बे-सबब जम'अ तो करता नहीं तीर ओ तरकश
कुछ हदफ़ होगा ज़माने की सितमगारी का
पा-ब-ज़ंजीर किया था मुझे आसानी ने
मरहला हो न सका तय कभी दुश्वारी का
मुतमइन दिल है अजब भीड़ से ग़म-ख़्वारों की
सिलसिला तूल पकड़ ले न ये बीमारी का
aks ubhrā na thā ā.īna-e-dil-dārī kā
hijr ne khīñch diyā dā.era zañgārī kā
naaz kartā thā tavālat pe ki vaqt-e-ruḳhsat
bhed saa.e pe khulā shaam kī ayyārī kā
jis qadar ḳharch kiye saañs huī arzānī
nirḳh girtā gayā rasm-o-rah-e-bāzārī kā
raat ne ḳhvāb se vābasta rifāqat ke evaz
rāsta band rakhā din kī numūdārī kā
aisā vīrān huā hai ki ḳhizāñ rotī hai
kal bahut shor thā jis baaġh meñ gul-kārī kā
be-sabab jama.a to kartā nahīñ tiir o tarkash
kuchh hadaf hogā zamāne kī sitamgārī kā
pā-ba-zanjīr kiyā thā mujhe āsānī ne
marhala ho na sakā tai kabhī dushvārī kā
mutma.in dil hai ajab bhiiḌ se ġham-ḳhvāroñ kī
silsila tuul pakaḌ le na ye bīmārī kā
عکس ابھرا نہ تھا آئینۂ دل داری کا
ہجر نے کھینچ دیا دائرہ زنگاری کا
ناز کرتا تھا طوالت پہ کہ وقت رخصت
بھید سائے پہ کھلا شام کی عیاری کا
جس قدر خرچ کیے سانس ہوئی ارزانی
نرخ گرتا گیا رسم و رہ بازاری کا
رات نے خواب سے وابستہ رفاقت کے عوض
راستہ بند رکھا دن کی نموداری کا
ایسا ویران ہوا ہے کہ خزاں روتی ہے
کل بہت شور تھا جس باغ میں گل کاری کا
بے سبب جمع تو کرتا نہیں تیر و ترکش
کچھ ہدف ہوگا زمانے کی ستم گاری کا
پا بہ زنجیر کیا تھا مجھے آسانی نے
مرحلہ ہو نہ سکا طے کبھی دشواری کا
مطمئن دل ہے عجب بھیڑ سے غم خواروں کی
سلسلہ طول پکڑ لے نہ یہ بیماری کا