गलियों में भटकना रह-ए-आलाम में रहना
याँ सब को है नाकामी-ए-यक-गाम में रहना
पहले तो बिखर जाना गुज़रगाहों के हमराह
फिर हसरत-ए-दीवार-ओ-दर-ओ-बाम में रहना
बाग़ात में फिरना ख़स-ओ-ख़ाशाक पहन कर
हर सिलसिला-ए-सब्ज़ के अंजाम में रहना
हर साँस में घुलना तिरी दहलीज़ की ख़ुश्बू
हर आँख का दूरी के सियह दाम में रहना
आवाज़ न आना किसी आबाद मकाँ से
हर हाथ का याँ दस्तक-ए-नाकाम में रहना
कुछ देर में खुल जाएगा बस्ती का नसीबा
कुछ देर है और सख़्ती-अय्याम में रहना
'एजाज़' बहुत दिन से है शोहरत का बुलावा
तुम हो कि वही क़रया-ए-गुमनाम में रहना
galiyoñ meñ bhaTaknā rah-e-ālām meñ rahnā
yaañ sab ko hai nākāmī-e-yak-gām meñ rahnā
pahle to bikhar jaanā guzargāhoñ ke hamrāh
phir hasrat-e-dīvār-o-dar-o-bām meñ rahnā
bāġhāt meñ phirnā ḳhas-o-ḳhāshāk pahan kar
har silsila-e-sabz ke anjām meñ rahnā
har saañs meñ ghulnā tirī dahlīz kī ḳhushbū
har aañkh kā duurī ke siyah daam meñ rahnā
āvāz na aanā kisī ābād makāñ se
har haath kā yaañ dastak-e-nākām meñ rahnā
kuchh der meñ khul jā.egā bastī kā nasība
kuchh der hai aur saḳhtī-ayyām meñ rahnā
'ejāz' bahut din se hai shohrat kā bulāvā
tum ho ki vahī qarya-e-gumnām meñ rahnā
گلیوں میں بھٹکنا رہ آلام میں رہنا
یاں سب کو ہے ناکامیٔ یک گام میں رہنا
پہلے تو بکھر جانا گزر گاہوں کے ہم راہ
پھر حسرت دیوار و در و بام میں رہنا
باغات میں پھرنا خس و خاشاک پہن کر
ہر سلسلۂ سبز کے انجام میں رہنا
ہر سانس میں گھلنا تری دہلیز کی خوشبو
ہر آنکھ کا دوری کے سیہ دام میں رہنا
آواز نہ آنا کسی آباد مکاں سے
ہر ہاتھ کا یاں دستک ناکام میں رہنا
کچھ دیر میں کھل جائے گا بستی کا نصیبہ
کچھ دیر ہے اور سختیٔ ایام میں رہنا
اعجازؔ بہت دن سے ہے شہرت کا بلاوا
تم ہو کہ وہی قریۂ گم نام میں رہنا