दर खोल के देखूँ ज़रा इदराक से बाहर
ये शोर सा कैसा है मिरी ख़ाक से बाहर
रूदाद-ए-गुज़िश्ता तो सुनी कूज़ा-गरी की
फ़र्दा का भी कर ज़िक्र जो है चाक से बाहर
ख़ुश आया अजब इश्क़ को ये जामा-ए-ज़ेबा
निकला नहीं फिर हिज्र की पोशाक से बाहर
चाहा था मफ़र दिल ने मगर ज़ुल्फ़-ए-गिरह-गीर
पेचाक बनाती रही पेचाक से बाहर
आता नहीं कुछ याद कि ऐ साअत-ए-निस्याँ
क्या रक्खा तिरे ताक़ पे क्या ताक़ से बाहर
सुनता हूँ कहीं दूर से नक़्क़ारा सबा का
उतरी है बहार अब के भी ख़ाशाक से बाहर
कुछ देर ठहर और ज़रा देख तमाशा
नापैद हैं ये रौनक़ें इस ख़ाक से बाहर
मौजूद ख़ला में हैं अगर और ज़मीनें
अफ़्लाक भी होंगे कहीं अफ़्लाक से बाहर
dar khol ke dekhūñ zarā idrāk se bāhar
ye shor sā kaisā hai mirī ḳhaak se bāhar
rūdād-e-guzishta to sunī kūza-garī kī
fardā kā bhī kar zikr jo hai chaak se bāhar
ḳhush aayā ajab ishq ko ye jāma-e-zebā
niklā nahīñ phir hijr kī poshāk se bāhar
chāhā thā mafar dil ne magar zulf-e-girah-gīr
pechāk banātī rahī pechāk se bāhar
aatā nahīñ kuchh yaad ki ai sā.at-e-nisyāñ
kyā rakkhā tire taaq pe kyā taaq se bāhar
suntā huuñ kahīñ duur se naqqārā sabā kā
utrī hai bahār ab ke bhī ḳhāshāk se bāhar
kuchh der Thahar aur zarā dekh tamāshā
nāpaid haiñ ye raunaqeñ is ḳhaak se bāhar
maujūd ḳhalā meñ haiñ agar aur zamīneñ
aflāk bhī hoñge kahīñ aflāk se bāhar
در کھول کے دیکھوں ذرا ادراک سے باہر
یہ شور سا کیسا ہے مری خاک سے باہر
روداد گزشتہ تو سنی کوزہ گری کی
فردا کا بھی کر ذکر جو ہے چاک سے باہر
خوش آیا عجب عشق کو یہ جامۂ زیبا
نکلا نہیں پھر ہجر کی پوشاک سے باہر
چاہا تھا مفر دل نے مگر زلف گرہ گیر
پیچاک بناتی رہی پیچاک سے باہر
آتا نہیں کچھ یاد کہ اے ساعت نسیاں
کیا رکھا ترے طاق پہ کیا طاق سے باہر
سنتا ہوں کہیں دور سے نقارا صبا کا
اتری ہے بہار اب کے بھی خاشاک سے باہر
کچھ دیر ٹھہر اور ذرا دیکھ تماشا
ناپید ہیں یہ رونقیں اس خاک سے باہر
موجود خلا میں ہیں اگر اور زمینیں
افلاک بھی ہوں گے کہیں افلاک سے باہر