यादों की क़िंदील जलाना कितना अच्छा लगता है
ख़्वाबों को पलकों पे सजाना कितना अच्छा लगता है
तेरी तलब में पत्थर खाना कितना अच्छा लगता है
ख़ुद भी रोना सब को रुलाना कितना अच्छा लगता है
हम को ख़बर है शहर में उस के संग-ए-मलामत मिलते हैं
फिर भी उस के शहर में जाना कितना अच्छा लगता है
जुर्म-ए-मोहब्बत की तारीख़ें सब्त हैं जिन के दामन पर
उन लम्हों को दिल में बसाना कितना अच्छा लगता है
हाल से अपने बेगाने हैं मुस्तक़बिल की फ़िक्र नहीं
लोगो ये बचपन का ज़माना कितना अच्छा लगता है
आज का ये उस्लूब-ए-ग़ज़ल भी क़द्र के क़ाबिल है लेकिन
'मीर' का वो अंदाज़ पुराना कितना अच्छा लगता है
क़द्र-शनास-ए-शेर-ओ-सुख़न होते हैं जहाँ पर ऐ 'ताबिश'
उस महफ़िल में शेर सुनाना कितना अच्छा लगता है
yādoñ kī qindīl jalānā kitnā achchhā lagtā hai
ḳhvāboñ ko palkoñ pe sajānā kitnā achchhā lagtā hai
terī talab meñ patthar khānā kitnā achchhā lagtā hai
ḳhud bhī ronā sab ko rulānā kitnā achchhā lagtā hai
ham ko ḳhabar hai shahr meñ us ke sañg-e-malāmat milte haiñ
phir bhī us ke shahr meñ jaanā kitnā achchhā lagtā hai
jurm-e-mohabbat kī tārīḳheñ sabt haiñ jin ke dāman par
un lamhoñ ko dil meñ basānā kitnā achchhā lagtā hai
haal se apne begāne haiñ mustaqbil kī fikr nahīñ
logo ye bachpan kā zamānā kitnā achchhā lagtā hai
aaj kā ye uslūb-e-ġhazal bhī qadr ke qābil hai lekin
'mīr' kā vo andāz purānā kitnā achchhā lagtā hai
qadr-shanās-e-sher-o-suḳhan hote haiñ jahāñ par ai 'tābish'
us mahfil meñ sher sunānā kitnā achchhā lagtā hai
یادوں کی قندیل جلانا کتنا اچھا لگتا ہے
خوابوں کو پلکوں پہ سجانا کتنا اچھا لگتا ہے
تیری طلب میں پتھر کھانا کتنا اچھا لگتا ہے
خود بھی رونا سب کو رلانا کتنا اچھا لگتا ہے
ہم کو خبر ہے شہر میں اس کے سنگ ملامت ملتے ہیں
پھر بھی اس کے شہر میں جانا کتنا اچھا لگتا ہے
جرم محبت کی تاریخیں ثبت ہیں جن کے دامن پر
ان لمحوں کو دل میں بسانا کتنا اچھا لگتا ہے
حال سے اپنے بیگانے ہیں مستقبل کی فکر نہیں
لوگو یہ بچپن کا زمانا کتنا اچھا لگتا ہے
آج کا یہ اسلوب غزل بھی قدر کے قابل ہے لیکن
میرؔ کا وہ انداز پرانا کتنا اچھا لگتا ہے
قدر شناس شعر و سخن ہوتے ہیں جہاں پر اے تابشؔ
اس محفل میں شعر سنانا کتنا اچھا لگتا ہے