और सम्त-ए-सफ़र रास्ता और है
‘अहद-ए-हाज़िर का शायद ख़ुदा और है
आँधियाँ किस लिए मुतमइन हो गईं
मेरे घर में अभी इक दिया और है
झूटी ख़बरों की तशहीर मत कीजिए
मेरी बस्ती का वो वाक़ि'आ और है
'आफ़ियत की तमन्ना मुनासिब नहीं
बाक़ी इक 'अर्सा-ए-कर्बला और है
हम तमन्ना-ए-ख़त्म-ए-सफ़र क्यों करें
इस सफ़र की थकन का मज़ा और है
आप का शहर दिलकश बहुत है मगर
गाँव की मेरे आब-ओ-हवा और है
अपनी पहचान भी अब तो मुमकिन नहीं
हम ही बदले हैं या आइना और है
शीश-महलों में 'ताबिश' को मत ढूँढिए
इस क़लंदर के घर का पता और है
aur samt-e-safar rāsta aur hai
‘ahd-e-hāzir kā shāyad ḳhudā aur hai
āñdhiyāñ kis liye mutma.in ho ga.iiñ
mere ghar meñ abhī ik diyā aur hai
jhūTī ḳhabroñ kī tash.hīr mat kījiye
merī bastī kā vo vāqi'a aur hai
'āfiyat kī tamanna munāsib nahīñ
baaqī ik 'arsa-e-karbalā aur hai
ham tamannā-e-ḳhatm-e-safar kyoñ kareñ
is safar kī thakan kā mazā aur hai
aap kā shahr dilkash bahut hai magar
gaañv kī mere āb-o-havā aur hai
apnī pahchān bhī ab to mumkin nahīñ
ham hī badle haiñ yā aa.ina aur hai
shīsh-mahloñ meñ 'tābish' ko mat DhūñDhiye
is qalandar ke ghar kā patā aur hai
اور سمت سفر راستہ اور ہے
عہد حاضر کا شاید خدا اور ہے
آندھیاں کس لیے مطمئن ہو گئیں
میرے گھر میں ابھی اک دیا اور ہے
جھوٹی خبروں کی تشہیر مت کیجئے
میری بستی کا وہ واقعہ اور ہے
عافیت کی تمنا مناسب نہیں
باقی اک عرصۂ کربلا اور ہے
ہم تمنائے ختم سفر کیوں کریں
اس سفر کی تھکن کا مزا اور ہے
آپ کا شہر دل کش بہت ہے مگر
گاؤں کی میرے آب و ہوا اور ہے
اپنی پہچان بھی اب تو ممکن نہیں
ہم ہی بدلے ہیں یا آئنہ اور ہے
شیش محلوں میں تابشؔ کو مت ڈھونڈیئے
اس قلندر کے گھر کا پتا اور ہے