किनायतन भी तिरा नाम जब सुना मैं ने
वुफ़ूर-ए-शौक़ में सर को झुका दिया मैं ने
हुजूम-ए-ग़म में अदा-ए-क़लंदरी न गई
मसर्रतों से भी रक्खा है फ़ासला मैं ने
बुतों ने हौसला-अफ़ज़ाइयाँ तो कीं मेरी
मगर तुझी को पुकारा मिरे ख़ुदा मैं ने
तमाम 'उम्र अँधेरों से मेरी जंग रही
बुझा चराग़ तो दिल को जला लिया मैं ने
तमाम शहर के पत्थर मिरी तरफ़ आए
ख़िरद को जब भी दिखाया है आइना मैं ने
मिरे ख़ुदा मिरे शे'रों को ज़िंदगी दे दे
हर एक शे'र पे माँगी है ये दु'आ मैं ने
kināyatan bhī tirā naam jab sunā maiñ ne
vufūr-e-shauq meñ sar ko jhukā diyā maiñ ne
hujūm-e-ġham meñ adā-e-qalandarī na ga.ī
masarratoñ se bhī rakkhā hai fāsla maiñ ne
butoñ ne hausla-afzā.iyāñ to kiiñ merī
magar tujhī ko pukārā mire ḳhudā maiñ ne
tamām 'umr añdheroñ se merī jang rahī
bujhā charāġh to dil ko jalā liyā maiñ ne
tamām shahr ke patthar mirī taraf aa.e
ḳhirad ko jab bhī dikhāyā hai aa.ina maiñ ne
mire ḳhudā mire she'roñ ko zindagī de de
har ek she'r pe māñgī hai ye du'ā maiñ ne
کنایتاً بھی ترا نام جب سنا میں نے
وفور شوق میں سر کو جھکا دیا میں نے
ہجوم غم میں ادائے قلندری نہ گئی
مسرتوں سے بھی رکھا ہے فاصلہ میں نے
بتوں نے حوصلہ افزائیاں تو کیں میری
مگر تجھی کو پکارا مرے خدا میں نے
تمام عمر اندھیروں سے میری جنگ رہی
بجھا چراغ تو دل کو جلا لیا میں نے
تمام شہر کے پتھر مری طرف آئے
خرد کو جب بھی دکھایا ہے آئنہ میں نے
مرے خدا مرے شعروں کو زندگی دے دے
ہر ایک شعر پہ مانگی ہے یہ دعا میں نے