याद मौसम वो पुराने आए
ज़ख़्म हँसने के ज़माने आए
दिल की दहलीज़ पे यादों के सिवा
कौन आवाज़ लगाने आए
अब कहाँ ताब लहू रोने की
अब न वो ख़्वाब दिखाने आए
लोग जीते हैं लहू पी के यहाँ
हम कहाँ प्यास बुझाने आए
कह गए बात जो सच थी वर्ना
याद कितने ही बहाने आए
हर ग़ज़ल में है छुपा वो चेहरा
कोई घूँघट तो उठाने आए
शाख़ फूलों से झुकी जाती है
कोई तो हाथ बढ़ाने आए
सुब्ह जब हो तो 'क़मर' मिस्ल-ए-सबा
फूल रखने वो सिरहाने आए
yaad mausam vo purāne aa.e
zaḳhm hañsne ke zamāne aa.e
dil kī dahlīz pe yādoñ ke sivā
kaun āvāz lagāne aa.e
ab kahāñ taab lahū rone kī
ab na vo ḳhvāb dikhāne aa.e
log jiite haiñ lahū pī ke yahāñ
ham kahāñ pyaas bujhāne aa.e
kah ga.e baat jo sach thī varna
yaad kitne hī bahāne aa.e
har ġhazal meñ hai chhupā vo chehra
koī ghūñghaT to uThāne aa.e
shāḳh phūloñ se jhukī jaatī hai
koī to haath baḌhāne aa.e
sub.h jab ho to 'qamar' misl-e-sabā
phuul rakhne vo sirhāne aa.e
یاد موسم وہ پرانے آئے
زخم ہنسنے کے زمانے آئے
دل کی دہلیز پہ یادوں کے سوا
کون آواز لگانے آئے
اب کہاں تاب لہو رونے کی
اب نہ وہ خواب دکھانے آئے
لوگ جیتے ہیں لہو پی کے یہاں
ہم کہاں پیاس بجھانے آئے
کہہ گئے بات جو سچ تھی ورنہ
یاد کتنے ہی بہانے آئے
ہر غزل میں ہے چھپا وہ چہرہ
کوئی گھونگھٹ تو اٹھانے آئے
شاخ پھولوں سے جھکی جاتی ہے
کوئی تو ہاتھ بڑھانے آئے
صبح جب ہو تو قمرؔ مثل صبا
پھول رکھنے وہ سرہانے آئے