या मुझे अफ़सर-ए-शाहाना बनाया होता
या मिरा ताज गदायाना बनाया होता
अपना दीवाना बनाया मुझे होता तू ने
क्यूँ ख़िरद-मंद बनाया न बनाया होता
ख़ाकसारी के लिए गरचे बनाया था मुझे
काश ख़ाक-ए-दर-ए-जानाना बनाया होता
नश्शा-ए-इश्क़ का गर ज़र्फ़ दिया था मुझ को
उम्र का तंग न पैमाना बनाया होता
दिल-ए-सद-चाक बनाया तो बला से लेकिन
ज़ुल्फ़-ए-मुश्कीं का तिरे शाना बनाया होता
सूफ़ियों के जो न था लायक़-ए-सोहबत तो मुझे
क़ाबिल-ए-जलसा-ए-रिंदाना बनाया होता
था जलाना ही अगर दूरी-ए-साक़ी से मुझे
तो चराग़-ए-दर-ए-मय-ख़ाना बनाया होता
शोला-ए-हुस्न चमन में न दिखाया उस ने
वर्ना बुलबुल को भी परवाना बनाया होता
रोज़ मामूरा-ए-दुनिया में ख़राबी है 'ज़फ़र'
ऐसी बस्ती को तो वीराना बनाया होता
yā mujhe afsar-e-shāhāna banāyā hotā
yā mirā taaj gadāyāna banāyā hotā
apnā dīvāna banāyā mujhe hotā tū ne
kyuuñ ḳhirad-mand banāyā na banāyā hotā
ḳhāksārī ke liye garche banāyā thā mujhe
kaash ḳhāk-e-dar-e-jānāna banāyā hotā
nashsha-e-ishq kā gar zarf diyā thā mujh ko
umr kā tañg na paimāna banāyā hotā
dil-e-sad-chāk banāyā to balā se lekin
zulf-e-mushkīñ kā tire shāna banāyā hotā
sūfiyoñ ke jo na thā lā.eq-e-sohbat to mujhe
qābil-e-jalsa-e-rindāna banāyā hotā
thā jalānā hī agar dūri-e-sāqī se mujhe
to charāġh-e-dar-e-mai-ḳhāna banāyā hotā
shola-e-husn chaman meñ na dikhāyā us ne
varna bulbul ko bhī parvāna banāyā hotā
roz māmūra-e-duniyā meñ ḳharābī hai 'zafar'
aisī bastī ko to vīrāna banāyā hotā
یا مجھے افسر شاہانہ بنایا ہوتا
یا مرا تاج گدایانہ بنایا ہوتا
اپنا دیوانہ بنایا مجھے ہوتا تو نے
کیوں خرد مند بنایا نہ بنایا ہوتا
خاکساری کے لیے گرچہ بنایا تھا مجھے
کاش خاک در جانانہ بنایا ہوتا
نشۂ عشق کا گر ظرف دیا تھا مجھ کو
عمر کا تنگ نہ پیمانہ بنایا ہوتا
دل صد چاک بنایا تو بلا سے لیکن
زلف مشکیں کا ترے شانہ بنایا ہوتا
صوفیوں کے جو نہ تھا لائق صحبت تو مجھے
قابل جلسۂ رندانہ بنایا ہوتا
تھا جلانا ہی اگر دورئ ساقی سے مجھے
تو چراغ در مے خانہ بنایا ہوتا
شعلۂ حسن چمن میں نہ دکھایا اس نے
ورنہ بلبل کو بھی پروانہ بنایا ہوتا
روز معمورۂ دنیا میں خرابی ہے ظفرؔ
ایسی بستی کو تو ویرانہ بنایا ہوتا