गई यक-ब-यक जो हवा पलट नहीं दिल को मेरे क़रार है
करूँ उस सितम को मैं क्या बयाँ मिरा ग़म से सीना फ़िगार है
ये रेआया-ए-हिन्द तबह हुई कहूँ क्या जो इन पे जफ़ा हुई
जिसे देखा हाकिम-ए-वक़्त ने कहा ये भी क़ाबिल-ए-दार है
ये किसी ने ज़ुल्म भी है सुना कि दी फाँसी लोगों को बे-गुनाह
वही कलमा-गोयों की सम्त से अभी दिल में उन के बुख़ार है
न था शहर-ए-देहली ये था चमन कहो किस तरह का था याँ अमन
जो ख़िताब था वो मिटा दिया फ़क़त अब तो उजड़ा दयार है
यही तंग हाल जो सब का है ये करिश्मा क़ुदरत-ए-रब का है
जो बहार थी सो ख़िज़ाँ हुई जो ख़िज़ाँ थी अब वो बहार है
शब-ओ-रोज़ फूल में जो तुले कहो ख़ार-ए-ग़म को वो क्या सहे
मिले तौक़ क़ैद में जब उन्हें कहा गुल के बदले ये हार है
सभी जादा मातम-ए-सख़्त है कहो कैसी गर्दिश-ए-बख़्त है
न वो ताज है न वो तख़्त है न वह शाह है न दयार है
जो सुलूक करते थे और से वही अब हैं कितने ज़लील से
वो हैं तंग चर्ख़ के जौर से रहा तन पे उन के न तार है
न वबाल तन पे है सर मिरा नहीं जान जाने का डर ज़रा
कटे ग़म ही, निकले जो दम मिरा मुझे अपनी ज़िंदगी बार है
क्या है ग़म 'ज़फ़र' तुझे हश्र का जो ख़ुदा ने चाहा तो बरमला
हमें है वसीला रसूल का वो हमारा हामी-ए-कार है
ga.ī yak-ba-yak jo havā palaT nahīñ dil ko mere qarār hai
karūñ us sitam ko maiñ kyā bayāñ mirā ġham se siina figār hai
ye re.āyā-e-hind tabah huī kahūñ kyā jo in pe jafā huī
jise dekhā hākim-e-vaqt ne kahā ye bhī qābil-e-dār hai
ye kisī ne zulm bhī hai sunā ki dī phāñsī logoñ ko be-gunāh
vahī kalma-goyoñ kī samt se abhī dil meñ un ke buḳhār hai
na thā shahr-e-dehlī ye thā chaman kaho kis tarah kā thā yaañ aman
jo ḳhitāb thā vo miTā diyā faqat ab to ujḌā dayār hai
yahī tañg haal jo sab kā hai ye karishma qudrat-e-rab kā hai
jo bahār thī so ḳhizāñ huī jo ḳhizāñ thī ab vo bahār hai
shab-o-roz phuul meñ jo tule kaho ḳhār-e-ġham ko vo kyā sahe
mile tauq qaid meñ jab unheñ kahā gul ke badle ye haar hai
sabhī jaada mātam-e-saḳht hai kaho kaisī gardish-e-baḳht hai
na vo taaj hai na vo taḳht hai na vo shaah hai na dayār hai
jo sulūk karte the aur se vahī ab haiñ kitne zalīl se
vo haiñ tañg charḳh ke jaur se rahā tan pe un ke na taar hai
na vabāl tan pe hai sar mirā nahīñ jaan jaane kā Dar zarā
kaTe ġham hii, nikle jo dam mirā mujhe apnī zindagī baar hai
kyā hai ġham 'zafar' tujhe hashr kā jo ḳhudā ne chāhā to barmalā
hameñ hai vasīla rasūl kā vo hamārā hāmī-e-kār hai
گئی یک بہ یک جو ہوا پلٹ نہیں دل کو میرے قرار ہے
کروں اس ستم کو میں کیا بیاں مرا غم سے سینہ فگار ہے
یہ رعایۂ ہند تبہ ہوئی کہوں کیا جو ان پہ جفا ہوئی
جسے دیکھا حاکم وقت نے کہا یہ بھی قابل دار ہے
یہ کسی نے ظلم بھی ہے سنا کہ دی پھانسی لوگوں کو بے گناہ
وہی کلمہ گویوں کی سمت سے ابھی دل میں ان کے بخار ہے
نہ تھا شہر دہلی یہ تھا چمن کہو کس طرح کا تھا یاں امن
جو خطاب تھا وہ مٹا دیا فقط اب تو اجڑا دیار ہے
یہی تنگ حال جو سب کا ہے یہ کرشمہ قدرت رب کا ہے
جو بہار تھی سو خزاں ہوئی جو خزاں تھی اب وہ بہار ہے
شب و روز پھول میں جو تلے کہو خار غم کو وہ کیا سہے
ملے طوق قید میں جب انہیں کہا گل کے بدلے یہ ہار ہے
سبھی جادہ ماتم سخت ہے کہو کیسی گردش بخت ہے
نہ وہ تاج ہے نہ وہ تخت ہے نہ وہ شاہ ہے نہ دیار ہے
جو سلوک کرتے تھے اور سے وہی اب ہیں کتنے ذلیل سے
وہ ہیں تنگ چرخ کے جور سے رہا تن پہ ان کے نہ تار ہے
نہ وبال تن پہ ہے سر مرا نہیں جان جانے کا ڈر ذرا
کٹے غم ہی، نکلے جو دم مرا مجھے اپنی زندگی بار ہے
کیا ہے غم ظفرؔ تجھے حشر کا جو خدا نے چاہا تو برملا
ہمیں ہے وسیلہ رسول کا وہ ہمارا حامیٔ کار ہے