है दिल को जो याद-ए-फ़लक-ए-पीर किसी की
आँखों के तले फिरती है तस्वीर किसी की
गिर्या भी है नाला भी है और आह-ओ-फ़ुग़ाँ भी
पर दिल में हुई उस के न तासीर किसी की
हाथ आए है क्या ख़ाक तिरे ख़ाक-ए-कफ़-ए-पा
जब तक कि न क़िस्मत में हो इक्सीर किसी की
यारो वो है बिगड़ा हुआ बातें न बनाओ
कुछ पेश नहीं जाने की तक़रीर किसी की
नाज़ाँ न हो मुनइ'म कि जहाँ तेरा महल है
होवेगी यहाँ पहले भी ता'मीर किसी की
मेरी गिरह-ए-दिल न खुली है न खुलेगी
जब तक न खुले ज़ुल्फ़-ए-गिरह-गीर किसी की
आता भी अगर है तो वो फिर जाए है उल्टा
जिस वक़्त उलट जाए है तक़दीर किसी की
इस अबरू ओ मिज़्गाँ से 'ज़फ़र' तेज़ ज़ियादा
ख़ंजर न किसी का है न शमशीर किसी की
जो दिल से उधर जाए नज़र दिल हो गिरफ़्तार
मुजरिम हो कोई और हो तक़्सीर किसी की
hai dil ko jo yād-e-falak-e-pīr kisī kī
āñkhoñ ke tale phirtī hai tasvīr kisī kī
girya bhī hai naala bhī hai aur āh-o-fuġhāñ bhī
par dil meñ huī us ke na tāsīr kisī kī
haath aa.e hai kyā ḳhaak tire ḳhāk-e-kaf-e-pā
jab tak ki na qismat meñ ho iksīr kisī kī
yaaro vo hai bigḌā huā bāteñ na banāo
kuchh pesh nahīñ jaane kī taqrīr kisī kī
nāzāñ na ho mun.im ki jahāñ terā mahal hai
hovegī yahāñ pahle bhī ta.amīr kisī kī
merī girah-e-dil na khulī hai na khulegī
jab tak na khule zulf-e-girah-gīr kisī kī
aatā bhī agar hai to vo phir jaa.e hai ulTā
jis vaqt ulaT jaa.e hai taqdīr kisī kī
is abrū o mizhgāñ se 'zafar' tez ziyāda
ḳhanjar na kisī kā hai na shamshīr kisī kī
jo dil se udhar jaa.e nazar dil ho giraftār
mujrim ho koī aur ho taqsīr kisī kī
ہے دل کو جو یاد فلک پیر کسی کی
آنکھوں کے تلے پھرتی ہے تصویر کسی کی
گریہ بھی ہے نالہ بھی ہے اور آہ و فغاں بھی
پر دل میں ہوئی اس کے نہ تاثیر کسی کی
ہاتھ آئے ہے کیا خاک ترے خاک کف پا
جب تک کہ نہ قسمت میں ہو اکسیر کسی کی
یارو وہ ہے بگڑا ہوا باتیں نہ بناؤ
کچھ پیش نہیں جانے کی تقریر کسی کی
نازاں نہ ہو منعم کہ جہاں تیرا محل ہے
ہووے گی یہاں پہلے بھی تعمیر کسی کی
میری گرہ دل نہ کھلی ہے نہ کھلے گی
جب تک نہ کھلے زلف گرہ گیر کسی کی
آتا بھی اگر ہے تو وہ پھر جائے ہے الٹا
جس وقت الٹ جائے ہے تقدیر کسی کی
اس ابرو و مژگاں سے ظفرؔ تیز زیادہ
خنجر نہ کسی کا ہے نہ شمشیر کسی کی
جو دل سے ادھر جائے نظر دل ہو گرفتار
مجرم ہو کوئی اور ہو تقصیر کسی کی