देख दिल को मिरे ओ काफ़िर-ए-बे-पीर न तोड़
घर है अल्लाह का ये इस की तो ता'मीर न तोड़
ग़ुल सदा वादी-ए-वहशत में रखूँगा बरपा
ऐ जुनूँ देख मिरे पाँव की ज़ंजीर न तोड़
देख टुक ग़ौर से आईना-ए-दिल को मेरे
इस में आता है नज़र 'आलम-ए-तस्वीर न तोड़
ताज-ए-ज़र के लिए क्यूँ शम' का सर काटे है
रिश्ता-ए-उल्फ़त-ए-परवाना को गुल-गीर न तोड़
अपने बिस्मिल से ये कहता था दम-ए-नज़' वो शोख़
था जो कुछ 'अह्द सो ओ 'आशिक़-ए-दिल-गीर न तोड़
रक़्स-ए-बिस्मिल का तमाशा मुझे दिखला कोई दम
दस्त-ओ-पा मार के दम तू तह-ए-शमशीर न तोड़
सहम कर ऐ 'ज़फ़र' उस शोख़ कमाँ-दार से कह
खींच कर देख मिरे सीने से तू तीर न तोड़
dekh dil ko mire o kāfir-e-be-pīr na toḌ
ghar hai allāh kā ye is kī to tā'mīr na toḌ
ġhul sadā vādī-e-vahshat meñ rakhūñgā barpā
ai junūñ dekh mire paañv kī zanjīr na toḌ
dekh Tuk ġhaur se ā.īna-e-dil ko mere
is meñ aatā hai nazar 'ālam-e-tasvīr na toḌ
tāj-e-zar ke liye kyuuñ sham' kā sar kaaTe hai
rishta-e-ulfat-e-parvāna ko gul-gīr na toḌ
apne bismil se ye kahtā thā dam-e-naz' vo shoḳh
thā jo kuchh 'ahd so o 'āshiq-e-dil-gīr na toḌ
raqs-e-bismil kā tamāshā mujhe dikhlā koī dam
dast-o-pā maar ke dam tū tah-e-shamshīr na toḌ
sahm kar ai 'zafar' us shoḳh kamāñ-dār se kah
khīñch kar dekh mire siine se tū tiir na toḌ
دیکھ دل کو مرے او کافر بے پیر نہ توڑ
گھر ہے اللہ کا یہ اس کی تو تعمیر نہ توڑ
غل سدا وادئ وحشت میں رکھوں گا برپا
اے جنوں دیکھ مرے پاؤں کی زنجیر نہ توڑ
دیکھ ٹک غور سے آئینۂ دل کو میرے
اس میں آتا ہے نظر عالم تصویر نہ توڑ
تاج زر کے لیے کیوں شمع کا سر کاٹے ہے
رشتۂ الفت پروانہ کو گل گیر نہ توڑ
اپنے بسمل سے یہ کہتا تھا دم نزع وہ شوخ
تھا جو کچھ عہد سو او عاشق دلگیر نہ توڑ
رقص بسمل کا تماشا مجھے دکھلا کوئی دم
دست و پا مار کے دم تو تہ شمشیر نہ توڑ
سہم کر اے ظفرؔ اس شوخ کماندار سے کہہ
کھینچ کر دیکھ مرے سینے سے تو تیر نہ توڑ