देखो इंसाँ ख़ाक का पुतला बना क्या चीज़ है
बोलता है इस में क्या वो बोलता क्या चीज़ है
रू-ब-रू उस ज़ुल्फ़ के दाम-ए-बला क्या चीज़ है
उस निगह के सामने तीर-ए-क़ज़ा क्या चीज़ है
यूँ तो हैं सारे बुताँ ग़ारत-गर-ए-ईमाँ-ओ-दीं
एक वो काफ़िर सनम नाम-ए-ख़ुदा क्या चीज़ है
जिस ने दिल मेरा दिया दाम-ए-मोहब्बत में फँसा
वो नहीं मालूम मुज को नासेहा क्या चीज़ है
होवे इक क़तरा जो ज़हराब-ए-मोहब्बत का नसीब
ख़िज़्र फिर तो चश्मा-ए-आब-ए-बक़ा क्या चीज़ है
मर्ग ही सेहत है उस की मर्ग ही उस का इलाज
इश्क़ का बीमार क्या जाने दवा क्या चीज़ है
दिल मिरा बैठा है ले कर फिर मुझी से वो निगार
पूछता है हाथ में मेरे बता क्या चीज़ है
ख़ाक से पैदा हुए हैं देख रंगा-रंग गुल
है तो ये नाचीज़ लेकिन इस में क्या क्या चीज़ है
जिस की तुझ को जुस्तुजू है वो तुझी में है 'ज़फ़र'
ढूँडता फिर फिर के तो फिर जा-ब-जा क्या चीज़ है
dekho insāñ ḳhaak kā putlā banā kyā chiiz hai
boltā hai is meñ kyā vo boltā kyā chiiz hai
rū-ba-rū us zulf ke dām-e-balā kyā chiiz hai
us nigah ke sāmne tīr-e-qazā kyā chiiz hai
yuuñ to haiñ saare butāñ ġhārat-gar-e-īmān-o-dīñ
ek vo kāfir sanam nām-e-ḳhudā kyā chiiz hai
jis ne dil merā diyā dām-e-mohabbat meñ phañsā
vo nahīñ mālūm muj ko nāsehā kyā chiiz hai
hove ik qatra jo zahrāb-e-mohabbat kā nasīb
ḳhizr phir to chashma-e-āb-e-baqā kyā chiiz hai
marg hī sehat hai us kī marg hī us kā ilaaj
ishq kā bīmār kyā jaane davā kyā chiiz hai
dil mirā baiThā hai le kar phir mujhī se vo nigār
pūchhtā hai haath meñ mere batā kyā chiiz hai
ḳhaak se paidā hue haiñ dekh rañgā-rañg gul
hai to ye nāchīz lekin is meñ kyā kyā chiiz hai
jis kī tujh ko justujū hai vo tujhī meñ hai 'zafar'
DhūñDtā phir phir ke to phir jā-ba-jā kyā chiiz hai
دیکھو انساں خاک کا پتلا بنا کیا چیز ہے
بولتا ہے اس میں کیا وہ بولتا کیا چیز ہے
روبرو اس زلف کے دام بلا کیا چیز ہے
اس نگہ کے سامنے تیر قضا کیا چیز ہے
یوں تو ہیں سارے بتاں غارتگر ایمان و دیں
ایک وہ کافر صنم نام خدا کیا چیز ہے
جس نے دل میرا دیا دام محبت میں پھنسا
وہ نہیں معلوم مج کو ناصحا کیا چیز ہے
ہووے اک قطرہ جو زہراب محبت کا نصیب
خضر پھر تو چشمۂ آب بقا کیا چیز ہے
مرگ ہی صحت ہے اس کی مرگ ہی اس کا علاج
عشق کا بیمار کیا جانے دوا کیا چیز ہے
دل مرا بیٹھا ہے لے کر پھر مجھی سے وہ نگار
پوچھتا ہے ہاتھ میں میرے بتا کیا چیز ہے
خاک سے پیدا ہوئے ہیں دیکھ رنگا رنگ گل
ہے تو یہ ناچیز لیکن اس میں کیا کیا چیز ہے
جس کی تجھ کو جستجو ہے وہ تجھی میں ہے ظفرؔ
ڈھونڈتا پھر پھر کے تو پھر جا بجا کیا چیز ہے