वो तसव्वुर में तो आता है चला जाता है
धड़कनें दिल की बढ़ाता है चला जाता है
होने लगता है मुझे जब भी तकब्बुर का गुमाँ
कोई आईना दिखाता है चला जाता है
कोई दरवेश मुझे रोज़ सवाली बन कर
ख़्वाब-ए-ग़फ़लत से जगाता है चला जाता है
कौन है दोस्त यहाँ कौन हमारा दुश्मन
गर्दिश-ए-वक़्त बताता है चला जाता है
मेरी तुर्बत पे सर-ए-शाम दु'आओं का चराग़
कोई अश्कों से जलाता है चला जाता है
बैठ जाता हूँ रह-ए-'इश्क़ में थक कर तो जुनूँ
मंज़िल-ए-शौक़ बढ़ाता है चला जाता है
वक़्त आता है दबे पाँव हमेशा 'आलम'
सब की औक़ात बताता है चला जाता है
vo tasavvur meñ to aatā hai chalā jaatā hai
dhaḌkaneñ dil kī baḌhātā hai chalā jaatā hai
hone lagtā hai mujhe jab bhī takabbur kā gumāñ
koī ā.īna dikhātā hai chalā jaatā hai
koī darvesh mujhe roz savālī ban kar
ḳhvāb-e-ġhaflat se jagātā hai chalā jaatā hai
kaun hai dost yahāñ kaun hamārā dushman
gardish-e-vaqt batātā hai chalā jaatā hai
merī turbat pe sar-e-shām du'āoñ kā charāġh
koī ashkoñ se jalātā hai chalā jaatā hai
baiTh jaatā huuñ rah-e-'ishq meñ thak kar to junūñ
manzil-e-shauq baḌhātā hai chalā jaatā hai
vaqt aatā hai dabe paañv hamesha 'ālam'
sab kī auqāt batātā hai chalā jaatā hai
وہ تصور میں تو آتا ہے چلا جاتا ہے
دھڑکنیں دل کی بڑھاتا ہے چلا جاتا ہے
ہونے لگتا ہے مجھے جب بھی تکبر کا گماں
کوئی آئینہ دکھاتا ہے چلا جاتا ہے
کوئی درویش مجھے روز سوالی بن کر
خواب غفلت سے جگاتا ہے چلا جاتا ہے
کون ہے دوست یہاں کون ہمارا دشمن
گردش وقت بتاتا ہے چلا جاتا ہے
میری تربت پہ سر شام دعاؤں کا چراغ
کوئی اشکوں سے جلاتا ہے چلا جاتا ہے
بیٹھ جاتا ہوں رہ عشق میں تھک کر تو جنوں
منزل شوق بڑھاتا ہے چلا جاتا ہے
وقت آتا ہے دبے پاؤں ہمیشہ عالمؔ
سب کی اوقات بتاتا ہے چلا جاتا ہے