अदब को इतना गिरा रहे हो कोई सुनेगा तो क्या कहेगा
सुख़न की 'अज़्मत घटा रहे हो कोई सुनेगा तो क्या कहेगा
दियों का नाम-ओ-निशाँ मिटा कर तुम उन का ख़ून-ए-जिगर मिला कर
चराग़ अपना जला रहे हो कोई सुनेगा तो क्या कहेगा
हमेशा जिस ने समाज में की तुम्हारे 'ऐबों की पर्दा-पोशी
उसी पे तोहमत लगा रहे हो कोई सुनेगा तो क्या कहेगा
है घर में जिस से ख़ुदा की रहमत है जिस के क़दमों के नीचे जन्नत
उसी को ज़हमत बता रहे हो कोई सुनेगा तो क्या कहेगा
जिन्हों ने तुम को जनम दिया है पढ़ा लिखा कर बड़ा किया है
उन्हें ही आँखें दिखा रहे हो कोई सुनेगा तो क्या कहेगा
है जिन से शाख़-ए-वफ़ा महकती है जिन के ख़ूँ में वतन-परस्ती
उन्हें फ़सादी बता रहे हो कोई सुनेगा तो क्या कहेगा
मोहब्बतों के गुलाब तुम पर हमेशा हम ने किए निछावर
हमीं पे नश्तर चला रहे हो कोई सुनेगा तो क्या कहेगा
मसर्रतों के दिए जला कर ज़रूरतों का गला दबा कर
ग़मों को 'आलम' छुपा रहे हो कोई सुनेगा तो क्या कहेगा
adab ko itnā girā rahe ho koī sunegā to kyā kahegā
suḳhan kī 'azmat ghaTā rahe ho koī sunegā to kyā kahegā
diyoñ kā nām-o-nishāñ miTā kar tum un kā ḳhūn-e-jigar milā kar
charāġh apnā jalā rahe ho koī sunegā to kyā kahegā
hamesha jis ne samāj meñ kī tumhāre 'aiboñ kī parda-poshī
usī pe tohmat lagā rahe ho koī sunegā to kyā kahegā
hai ghar meñ jis se ḳhudā kī rahmat hai jis ke qadmoñ ke nīche jannat
usī ko zahmat batā rahe ho koī sunegā to kyā kahegā
jinhoñ ne tum ko janam diyā hai paḌhā likhā kar baḌā kiyā hai
unheñ hī āñkheñ dikhā rahe ho koī sunegā to kyā kahegā
hai jin se shāḳh-e-vafā mahaktī hai jin ke ḳhuuñ meñ vatan-parastī
unheñ fasādī batā rahe ho koī sunegā to kyā kahegā
mohabbatoñ ke gulāb tum par hamesha ham ne kiye nichhāvar
hamīñ pe nashtar chalā rahe ho koī sunegā to kyā kahegā
masarratoñ ke diye jalā kar zarūratoñ kā galā dabā kar
ġhamoñ ko 'ālam' chhupā rahe ho koī sunegā to kyā kahegā
ادب کو اتنا گرا رہے ہو کوئی سنے گا تو کیا کہے گا
سخن کی عظمت گھٹا رہے ہو کوئی سنے گا تو کیا کہے گا
دیوں کا نام و نشاں مٹا کر تم ان کا خون جگر ملا کر
چراغ اپنا جلا رہے ہو کوئی سنے گا تو کیا کہے گا
ہمیشہ جس نے سماج میں کی تمہارے عیبوں کی پردہ پوشی
اسی پہ تہمت لگا رہے ہو کوئی سنے گا تو کیا کہے گا
ہے گھر میں جس سے خدا کی رحمت ہے جس کے قدموں کے نیچے جنت
اسی کو زحمت بتا رہے ہو کوئی سنے گا تو کیا کہے گا
جنہوں نے تم کو جنم دیا ہے پڑھا لکھا کر بڑا کیا ہے
انہیں ہی آنکھیں دکھا رہے ہو کوئی سنے گا تو کیا کہے گا
ہے جن سے شاخ وفا مہکتی ہے جن کے خوں میں وطن پرستی
انہیں فسادی بتا رہے ہو کوئی سنے گا تو کیا کہے گا
محبتوں کے گلاب تم پر ہمیشہ ہم نے کئے نچھاور
ہمیں پہ نشتر چلا رہے ہو کوئی سنے گا تو کیا کہے گا
مسرتوں کے دیے جلا کر ضرورتوں کا گلا دبا کر
غموں کو عالمؔ چھپا رہے ہو کوئی سنے گا تو کیا کہے گا