बयाँ ग़ैरों से अपना ग़म करें क्या
नमक को ज़ख़्म का मरहम करें क्या
नए मौसम के ख़ाके हैं नज़र में
गुज़शता फ़स्ल का मातम करें क्या
उतरता ही नहीं है उस का जादू
बताओ ख़ुद पे पढ़ कर दम करें क्या
उसे हम किस तरह दिल से निकालें
ये दिल सुनता नहीं तो हम करें क्या
हम उस की बे-रुख़ी का ज़िक्र कर के
उसे कुछ और भी बरहम करें क्या
हमें जबरन ही जीना पड़ रहा है
बता ऐ गर्दिश-ए-पैहम करें क्या
ग़मों की धूप में जब जल चुके हैं
ख़ुशी की छाँव का 'आलम' करें क्या
bayāñ ġhairoñ se apnā ġham kareñ kyā
namak ko zaḳhm kā marham kareñ kyā
na.e mausam ke ḳhāke haiñ nazar meñ
guzashta fasl kā mātam kareñ kyā
utartā hī nahīñ hai us kā jaadū
batāo ḳhud pe paḌh kar dam kareñ kyā
use ham kis tarah dil se nikāleñ
ye dil suntā nahīñ to ham kareñ kyā
ham us kī be-ruḳhī kā zikr kar ke
use kuchh aur bhī barham kareñ kyā
hameñ jabran hī jiinā paḌ rahā hai
batā ai gardish-e-paiham kareñ kyā
ġhamoñ kī dhuup meñ jab jal chuke haiñ
ḳhushī kī chhāñv kā 'ālam' kareñ kyā
بیاں غیروں سے اپنا غم کریں کیا
نمک کو زخم کا مرہم کریں کیا
نئے موسم کے خاکے ہیں نظر میں
گذشتہ فصل کا ماتم کریں کیا
اترتا ہی نہیں ہے اس کا جادو
بتاؤ خود پہ پڑھ کر دم کریں کیا
اسے ہم کس طرح دل سے نکالیں
یہ دل سنتا نہیں تو ہم کریں کیا
ہم اس کی بے رخی کا ذکر کر کے
اسے کچھ اور بھی برہم کریں کیا
ہمیں جبراً ہی جینا پڑ رہا ہے
بتا اے گردش پیہم کریں کیا
غموں کی دھوپ میں جب جل چکے ہیں
خوشی کی چھاؤں کا عالمؔ کریں کیا