वो सरख़ुशी दे कि ज़िंदगी को शबाब से बहरा-याब कर दे
मिरे ख़यालों में रंग भर दे मिरे लहू को शराब कर दे
हक़ीक़तें आश्कार कर दे सदाक़तें बे-हिजाब कर दे
हर एक ज़र्रा ये कह रहा है कि आ मुझे आफ़्ताब कर दे
ये ख़ूब क्या है ये ज़िश्त क्या है जहाँ की असली सरिश्त क्या है
बड़ा मज़ा हो तमाम चेहरे अगर कोई बे-नक़ाब कर दे
कहो तो राज़-ए-हयात कह दूँ हक़ीक़त-ए-काएनात कह दूँ
वो बात कह दूँ कि पत्थरों के जिगर को भी आब आब कर दे
ख़िलाफ़-ए-तक़दीर कर रहा हूँ फिर एक तक़्सीर कर रहा हूँ
फिर एक तदबीर कर रहा हूँ ख़ुदा अगर कामयाब कर दे
तिरे करम के मु'आमले को तिरे करम ही पे छोड़ता हूँ
मिरी ख़ताएँ शुमार कर ले मिरी सज़ा का हिसाब कर दे
'हफ़ीज़' सब से बड़ी ख़राबी है 'इश्क़ में लुत्फ़-ए-काम-याबी
किसी की दुनिया तबाह कर दे किसी की 'उक़्बा ख़राब कर दे
vo sarḳhushī de ki zindagī ko shabāb se bahra-yāb kar de
mire ḳhayāloñ meñ rang bhar de mire lahū ko sharāb kar de
haqīqateñ āshkār kar de sadāqateñ be-hijāb kar de
har ek zarra ye kah rahā hai ki aa mujhe āftāb kar de
ye ḳhuub kyā hai ye zisht kyā hai jahāñ kī aslī sarisht kyā hai
baḌā mazā ho tamām chehre agar koī be-naqāb kar de
kaho to rāz-e-hayāt kah duuñ haqīqat-e-kā.enāt kah duuñ
vo baat kah duuñ ki pattharoñ ke jigar ko bhī aab aab kar de
ḳhilāf-e-taqdīr kar rahā huuñ phir ek taqsīr kar rahā huuñ
phir ek tadbīr kar rahā huuñ ḳhudā agar kāmyāb kar de
tire karam ke mu'āmle ko tire karam hī pe chhoḌtā huuñ
mirī ḳhatā.eñ shumār kar le mirī sazā kā hisāb kar de
'hafīz' sab se baḌī ḳharābī hai 'ishq meñ lutf-e-kām-yābī
kisī kī duniyā tabāh kar de kisī kī 'uqbā ḳharāb kar de
وہ سر خوشی دے کہ زندگی کو شباب سے بہرہ یاب کر دے
مرے خیالوں میں رنگ بھر دے مرے لہو کو شراب کر دے
حقیقتیں آشکار کر دے صداقتیں بے حجاب کر دے
ہر ایک ذرہ یہ کہہ رہا ہے کہ آ مجھے آفتاب کر دے
یہ خوب کیا ہے یہ زشت کیا ہے جہاں کی اصلی سرشت کیا ہے
بڑا مزا ہو تمام چہرے اگر کوئی بے نقاب کر دے
کہو تو راز حیات کہہ دوں حقیقت کائنات کہہ دوں
وہ بات کہہ دوں کہ پتھروں کے جگر کو بھی آب آب کر دے
خلاف تقدیر کر رہا ہوں پھر ایک تقصیر کر رہا ہوں
پھر ایک تدبیر کر رہا ہوں خدا اگر کامیاب کر دے
ترے کرم کے معاملے کو ترے کرم ہی پہ چھوڑتا ہوں
مری خطائیں شمار کر لے مری سزا کا حساب کر دے
حفیظؔ سب سے بڑی خرابی ہے عشق میں لطف کامیابی
کسی کی دنیا تباہ کر دے کسی کی عقبیٰ خراب کر دے