वो सर्द फ़ासला बस आज कटने वाला था
मैं इक चराग़ की लौ से लिपटने वाला था
बहुत बिखेरा मुझे मेरे मेहरबानों ने
मिरा वजूद ही लेकिन सिमटने वाला था
बचा लिया तिरी ख़ुश्बू के फ़र्क़ ने वर्ना
मैं तेरे वहम में तुझ से लिपटने वाला था
उसी को चूमता रहता था वो कि उस को भी
'अज़ीज़ था वही बाज़ू जो कटने वाला था
मुझी को राह बदलनी थी सो बदल डाली
कहीं पहाड़ भी ठोकर से हटने वाला था
तलाश जिस की थी वो हर्फ़ मिल गया वर्ना
मैं एक सादा वरक़ और उलटने वाला था
ये किस को तीर चलाने का शौक़ जाग उठा
वो बाज़ मेरी तरफ़ ही झपटने वाला था
vo sard fāsla bas aaj kaTne vaalā thā
maiñ ik charāġh kī lau se lipaTne vaalā thā
bahut bikherā mujhe mere mehrbānoñ ne
mirā vajūd hī lekin simaTne vaalā thā
bachā liyā tirī ḳhushbū ke farq ne varna
maiñ tere vahm meñ tujh se lipaTne vaalā thā
usī ko chūmtā rahtā thā vo ki us ko bhī
'azīz thā vahī baazū jo kaTne vaalā thā
mujhī ko raah badalnī thī so badal Daalī
kahīñ pahāḌ bhī Thokar se haTne vaalā thā
talāsh jis kī thī vo harf mil gayā varna
maiñ ek saada varaq aur ulaTne vaalā thā
ye kis ko tiir chalāne kā shauq jaag uThā
vo baaz merī taraf hī jhapaTne vaalā thā
وہ سرد فاصلہ بس آج کٹنے والا تھا
میں اک چراغ کی لو سے لپٹنے والا تھا
بہت بکھیرا مجھے میرے مہربانوں نے
مرا وجود ہی لیکن سمٹنے والا تھا
بچا لیا تری خوشبو کے فرق نے ورنہ
میں تیرے وہم میں تجھ سے لپٹنے والا تھا
اسی کو چومتا رہتا تھا وہ کہ اس کو بھی
عزیز تھا وہی بازو جو کٹنے والا تھا
مجھی کو راہ بدلنی تھی سو بدل ڈالی
کہیں پہاڑ بھی ٹھوکر سے ہٹنے والا تھا
تلاش جس کی تھی وہ حرف مل گیا ورنہ
میں ایک سادہ ورق اور الٹنے والا تھا
یہ کس کو تیر چلانے کا شوق جاگ اٹھا
وہ باز میری طرف ہی جھپٹنے والا تھا