जब ख़ेमा-ज़नो! ज़ोर हवाओं का घटेगा
ख़ूँ मेरी हथेली का तनाबों पे मलेगा
हो प्यास तो ख़ुद अपने ही होंटों का लहू चूस
सूखी हुई झीलों में तुझे कुछ न मिलेगा
जलते हुए रस्तों के लिए देख लिया कर
खिड़की न खुलेगी तो धुआँ और घुटेगा
बस्ती में ग़रीबों की जहाँ आग लगी थी
सुनते हैं वहाँ एक नया शहर बसेगा
पेड़ों की अगर नस्ल-कुशी ख़त्म नहीं की
कुछ दिन में यहाँ पेड़ों का साया भी बिकेगा
बस आग उबल सकती हैं ये मुर्दा ज़मीनें
बेकार सी कोशिश है यहाँ कुछ न उगेगा
वो मुर्दा-दिली शाम से पहले की अदा थी
इस वक़्त तो 'कैफ़ी' किसी मक़्तल में मिलेगा
jab ḳhema-zano! zor havāoñ kā ghaTegā
ḳhuuñ merī hathelī kā tanāboñ pe malegā
ho pyaas to ḳhud apne hī hoñToñ kā lahū chuus
sūkhī huī jhīloñ meñ tujhe kuchh na milegā
jalte hue rastoñ ke liye dekh liyā kar
khiḌkī na khulegī to dhuāñ aur ghuTegā
bastī meñ ġharīboñ kī jahāñ aag lagī thī
sunte haiñ vahāñ ek nayā shahr basegā
peḌoñ kī agar nasl-kushī ḳhatm nahīñ kī
kuchh din meñ yahāñ peḌoñ kā saaya bhī bikegā
bas aag ubal saktī haiñ ye murda zamīneñ
bekār sī koshish hai yahāñ kuchh na ugegā
vo murda-dilī shaam se pahle kī adā thī
is vaqt to 'kaifī' kisī maqtal meñ milegā
جب خیمہ زنو! زور ہواؤں کا گھٹے گا
خوں میری ہتھیلی کا طنابوں پہ ملے گا
ہو پیاس تو خود اپنے ہی ہونٹوں کا لہو چوس
سوکھی ہوئی جھیلوں میں تجھے کچھ نہ ملے گا
جلتے ہوئے رستوں کے لیے دیکھ لیا کر
کھڑکی نہ کھلے گی تو دھواں اور گھٹے گا
بستی میں غریبوں کی جہاں آگ لگی تھی
سنتے ہیں وہاں ایک نیا شہر بسے گا
پیڑوں کی اگر نسل کشی ختم نہیں کی
کچھ دن میں یہاں پیڑوں کا سایہ بھی بکے گا
بس آگ ابل سکتی ہیں یہ مردہ زمینیں
بے کار سی کوشش ہے یہاں کچھ نہ اگے گا
وہ مردہ دلی شام سے پہلے کی ادا تھی
اس وقت تو کیفیؔ کسی مقتل میں ملے گا