वो आज लौट भी आए तो इस से क्या होगा
अब उस निगाह का पत्थर से सामना होगा
ज़मीं के ज़ख़्म समुंदर तो भर न पाएगा
ये काम दीदा-ए-तर तुझ को सौंपना होगा
हज़ार नेज़े उधर और मैं इधर तन्हा
मिरी शिकस्त का उनवाँ ही दूसरा होगा
जो तेज़ धूप में सायों की फ़स्ल बोते हैं
यहाँ की आब ओ हवा का उन्हें पता होगा
मैं और एक क़दम उस की सम्त बढ़ जाता
पता न था कि वो इतना गुरेज़-पा होगा
मिरा यक़ीं है कि राह-ए-वफ़ा में मेरे ब'अद
मिरा सफ़र तिरे क़दमों ने तय किया होगा
vo aaj lauT bhī aa.e to is se kyā hogā
ab us nigāh kā patthar se sāmnā hogā
zamīñ ke zaḳhm samundar to bhar na pā.egā
ye kaam dīda-e-tar tujh ko sauñpnā hogā
hazār neze udhar aur maiñ idhar tanhā
mirī shikast kā unvāñ hī dūsrā hogā
jo tez dhuup meñ sāyoñ kī fasl bote haiñ
yahāñ kī aab o havā kā unheñ pata hogā
maiñ aur ek qadam us kī samt baḌh jaatā
pata na thā ki vo itnā gurez-pā hogā
mirā yaqīñ hai ki rāh-e-vafā meñ mere ba.ad
mirā safar tire qadmoñ ne tai kiyā hogā
وہ آج لوٹ بھی آئے تو اس سے کیا ہوگا
اب اس نگاہ کا پتھر سے سامنا ہوگا
زمیں کے زخم سمندر تو بھر نہ پائے گا
یہ کام دیدۂ تر تجھ کو سونپنا ہوگا
ہزار نیزے ادھر اور میں ادھر تنہا
مری شکست کا عنواں ہی دوسرا ہوگا
جو تیز دھوپ میں سایوں کی فصل بوتے ہیں
یہاں کی آب و ہوا کا انہیں پتہ ہوگا
میں اور ایک قدم اس کی سمت بڑھ جاتا
پتہ نہ تھا کہ وہ اتنا گریز پا ہوگا
مرا یقیں ہے کہ راہ وفا میں میرے بعد
مرا سفر ترے قدموں نے طے کیا ہوگا