वो सलीक़ा हमें जीने का सिखा दे साक़ी
जो ग़म-ए-दहर से बेगाना बना दे साक़ी
जाम-ओ-मीना मिरी नज़रों से हटा दे साक़ी
ये जो आँखों में छलकती है पिला दे साक़ी
शो'ला-ए-इश्क़ से छलका दे मिरे शीशे को
और बेताब को बेताब बना दे साक़ी
हरम-ओ-दैर में बट जाते हैं रिन्दान-ए-वफ़ा
हरम-ओ-दैर की तफ़रीक़ मिटा दे साक़ी
सुन रहा हूँ कि मयस्सर ही नहीं दुनिया में
इक निगह राज़-ए-दो-आलम जो बता दे साक़ी
ख़ुश्क है मौसम-ए-एहसास फ़ज़ा प्यासी है
ख़ुम के ख़ुम सीना-ए-गेती पे लुंढा दे साक़ी
फिर कभी होश न आए तो कोई बात नहीं
आज हम जितनी पिएँ उतनी पिला दे साक़ी
जोश-ए-मस्ती में बग़ल-गीर हूँ बिछड़े हुए दिल
आज इंसान को इंसान बना दे साक़ी
ज़िंदगी ख़्वाब-ए-मुसलसल के सिवा कुछ न सही
उस की ता'बीर तो 'दर्शन' को बता दे साक़ी
vo salīqa hameñ jiine kā sikhā de saaqī
jo ġham-e-dahr se begāna banā de saaqī
jām-o-mīnā mirī nazroñ se haTā de saaqī
ye jo āñkhoñ meñ chhalaktī hai pilā de saaqī
sho.ala-e-ishq se chhalkā de mire shīshe ko
aur betāb ko betāb banā de saaqī
haram-o-dair meñ baT jaate haiñ rindān-e-vafā
haram-o-dair kī tafrīq miTā de saaqī
sun rahā huuñ ki mayassar hī nahīñ duniyā meñ
ik nigah rāz-e-do-ālam jo batā de saaqī
ḳhushk hai mausam-e-ehsās fazā pyāsī hai
ḳhum ke ḳhum sīna-e-getī pe luñDhā de saaqī
phir kabhī hosh na aa.e to koī baat nahīñ
aaj ham jitnī piyeñ utnī pilā de saaqī
josh-e-mastī meñ baġhal-gīr huuñ bichhḌe hue dil
aaj insān ko insān banā de saaqī
zindagī ḳhvāb-e-musalsal ke sivā kuchh na sahī
us kī ta.abīr to 'darshan' ko batā de saaqī
وہ سلیقہ ہمیں جینے کا سکھا دے ساقی
جو غم دہر سے بیگانہ بنا دے ساقی
جام و مینا مری نظروں سے ہٹا دے ساقی
یہ جو آنکھوں میں چھلکتی ہے پلا دے ساقی
شعلۂ عشق سے چھلکا دے مرے شیشے کو
اور بیتاب کو بیتاب بنا دے ساقی
حرم و دیر میں بٹ جاتے ہیں رندان وفا
حرم و دیر کی تفریق مٹا دے ساقی
سن رہا ہوں کہ میسر ہی نہیں دنیا میں
اک نگہ راز دو عالم جو بتا دے ساقی
خشک ہے موسم احساس فضا پیاسی ہے
خم کے خم سینۂ گیتی پہ لنڈھا دے ساقی
پھر کبھی ہوش نہ آئے تو کوئی بات نہیں
آج ہم جتنی پئیں اتنی پلا دے ساقی
جوش مستی میں بغل گیر ہوں بچھڑے ہوئے دل
آج انسان کو انسان بنا دے ساقی
زندگی خواب مسلسل کے سوا کچھ نہ سہی
اس کی تعبیر تو درشنؔ کو بتا دے ساقی