ग़म-ए-हयात पे ख़ंदाँ हैं तेरे दीवाने
अजीब साहब-ए-इरफ़ाँ हैं तेरे दीवाने
हर एक ज़र्रा-ए-सहरा है आईना-ख़ाना
हुजूम-ए-जल्वा से हैराँ हैं तेरे दीवाने दीवाने
न अपने होश की पर्वा न अपने दर्द का फ़िक्र
ग़म-ए-ज़मीं से परेशाँ हैं तेरे दीवाने
कहाँ ये होश कि औरों की ज़िंदगी पे हँसें
ख़ुद अपने हाल पे ख़ंदाँ हैं तेरे दीवाने
हुजूम-ए-अश्क में छलका रहे हैं पैमाना
हरीफ़-ए-गर्दिश-ए-दौराँ हैं तेरे दीवाने
बहार आते ही क्या जाने उन पे क्या गुज़री
कि ख़ुद से दस्त-ओ-गरेबाँ हैं तेरे दीवाने
कभी तो इक निगह-ए-जाँ-नवाज़ हो जाए
हनूज़ कुश्ता-ए-अरमाँ हैं तेरे दीवाने
निशात-ओ-दर्द में देखा है मैं ने 'दर्शन' को
हर एक हाल में शादाँ हैं तेरे दीवाने
ġham-e-hayāt pe ḳhandāñ haiñ tere dīvāne
ajiib sāhab-e-irfāñ haiñ tere dīvāne
har ek zarra-e-sahrā hai ā.īna-ḳhāna
hujūm-e-jalva se hairāñ haiñ tere dīvāne dīvāne
na apne hosh kī parvā na apne dard kā fikr
ġham-e-zamīñ se pareshāñ haiñ tere dīvāne
kahāñ ye hosh ki auroñ kī zindagī pe hañseñ
ḳhud apne haal pe ḳhandāñ haiñ tere dīvāne
hujūm-e-ashk meñ chhalkā rahe haiñ paimāna
harīf-e-gardish-e-daurāñ haiñ tere dīvāne
bahār aate hī kyā jaane un pe kyā guzrī
ki ḳhud se dast-o-garebāñ haiñ tere dīvāne
kabhī to ik nigah-e-jāñ-navāz ho jaa.e
hanūz kushta-e-armāñ haiñ tere dīvāne
nishāt-o-dard meñ dekhā hai maiñ ne 'darshan' ko
har ek haal meñ shādāñ haiñ tere dīvāne
غم حیات پہ خنداں ہیں تیرے دیوانے
عجیب صاحب عرفاں ہیں تیرے دیوانے
ہر ایک ذرۂ صحرا ہے آئینہ خانہ
ہجوم جلوہ سے حیراں ہیں تیرے دیوانے دیوانے
نہ اپنے ہوش کی پروا نہ اپنے درد کا فکر
غم زمیں سے پریشاں ہیں تیرے دیوانے
کہاں یہ ہوش کہ اوروں کی زندگی پہ ہنسیں
خود اپنے حال پہ خنداں ہیں تیرے دیوانے
ہجوم اشک میں چھلکا رہے ہیں پیمانہ
حریف گردش دوراں ہیں تیرے دیوانے
بہار آتے ہی کیا جانے ان پہ کیا گزری
کہ خود سے دست و گریباں ہیں تیرے دیوانے
کبھی تو اک نگہ جاں نواز ہو جائے
ہنوز کشتۂ ارماں ہیں تیرے دیوانے
نشاط و درد میں دیکھا ہے میں نے درشنؔ کو
ہر ایک حال میں شاداں ہیں تیرے دیوانے