चश्म-ए-बीना हो तो क़ैद-ए-हरम-ओ-तूर नहीं
देखने वाली निगाहों से वो मस्तूर नहीं
कौन सा घर है जवाँ जल्वों से पुर-नूर नहीं
इक मिरे दिल की ही दुनिया है जो मा'मूर नहीं
अपनी हिम्मत ही से पहुँचूँगा सर-ए-मंज़िल-ए-शौक़
लूँ सहारा मैं किसी का मुझे मंज़ूर नहीं
ग़म-ए-जानाँ को भुला दूँ न करूँ दोस्त को याद
इतना मैं ऐ ग़म-ए-दौराँ अभी मजबूर नहीं
ये मोहब्बत की है क़ीमत ये मोहब्बत का सिला
कि हमारे ही लिए इश्क़ का दस्तूर नहीं
दोनों 'आलम को डुबो दे जो मय-ओ-मीना में
चश्म-ए-साक़ी के सिवा और का मक़्दूर नहीं
मुस्कुरा दो तो मिरा ग़ुंचा-ए-दिल खिल जाए
दिल कभी खिल न सके ऐसा भी रंजूर नहीं
तुम नहीं पास मगर साथ है यादों का हुजूम
मैं अकेला नहीं बेकस नहीं महजूर नहीं
आज कुछ शाम से तारीक है दिल की महफ़िल
तुम नहीं हो तो वो रौनक़ नहीं वो नूर नहीं
मुझ में हिम्मत है कि मैं राज़ को इफ़्शा न करूँ
ये मिरा ज़र्फ़ है ये शेवा-ए-मंसूर नहीं
कर सकेगा न जुदा फ़ासला-ए-वक़्त-ओ-मकाँ
दूर नज़रों से सही दिल से मगर दूर नहीं
मेरी तक़दीर में 'दर्शन' हैं किसी के जल्वे
शुक्र सद शुक्र कि दुनिया मिरी बे-नूर नहीं
chashm-e-bīnā ho to qaid-e-haram-o-tūr nahīñ
dekhne vaalī nigāhoñ se vo mastūr nahīñ
kaun sā ghar hai javāñ jalvoñ se pur-nūr nahīñ
ik mire dil kī hī duniyā hai jo mā'mūr nahīñ
apnī himmat hī se pahuñchūñgā sar-e-manzil-e-shauq
luuñ sahārā maiñ kisī kā mujhe manzūr nahīñ
ġham-e-jānāñ ko bhulā duuñ na karūñ dost ko yaad
itnā maiñ ai ġham-e-daurāñ abhī majbūr nahīñ
ye mohabbat kī hai qīmat ye mohabbat kā sila
ki hamāre hī liye ishq kā dastūr nahīñ
donoñ 'ālam ko Dubo de jo mai-o-mīnā meñ
chashm-e-sāqī ke sivā aur kā maqdūr nahīñ
muskurā do to mirā ġhuncha-e-dil khil jaa.e
dil kabhī khil na sake aisā bhī ranjūr nahīñ
tum nahīñ paas magar saath hai yādoñ kā hujūm
maiñ akelā nahīñ bekas nahīñ mahjūr nahīñ
aaj kuchh shaam se tārīk hai dil kī mahfil
tum nahīñ ho to vo raunaq nahīñ vo nuur nahīñ
mujh meñ himmat hai ki maiñ raaz ko ifshā na karūñ
ye mirā zarf hai ye sheva-e-mansūr nahīñ
kar sakegā na judā fāsla-e-vaqt-o-makāñ
duur nazroñ se sahī dil se magar duur nahīñ
merī taqdīr meñ 'darshan' haiñ kisī ke jalve
shukr sad shukr ki duniyā mirī be-nūr nahīñ
چشم بینا ہو تو قید حرم و طور نہیں
دیکھنے والی نگاہوں سے وہ مستور نہیں
کون سا گھر ہے جواں جلووں سے پر نور نہیں
اک مرے دل کی ہی دنیا ہے جو معمور نہیں
اپنی ہمت ہی سے پہنچوں گا سر منزل شوق
لوں سہارا میں کسی کا مجھے منظور نہیں
غم جاناں کو بھلا دوں نہ کروں دوست کو یاد
اتنا میں اے غم دوراں ابھی مجبور نہیں
یہ محبت کی ہے قیمت یہ محبت کا صلہ
کہ ہمارے ہی لیے عشق کا دستور نہیں
دونوں عالم کو ڈبو دے جو مے و مینا میں
چشم ساقی کے سوا اور کا مقدور نہیں
مسکرا دو تو مرا غنچۂ دل کھل جائے
دل کبھی کھل نہ سکے ایسا بھی رنجور نہیں
تم نہیں پاس مگر ساتھ ہے یادوں کا ہجوم
میں اکیلا نہیں بیکس نہیں مہجور نہیں
آج کچھ شام سے تاریک ہے دل کی محفل
تم نہیں ہو تو وہ رونق نہیں وہ نور نہیں
مجھ میں ہمت ہے کہ میں راز کو افشا نہ کروں
یہ مرا ظرف ہے یہ شیوۂ منصور نہیں
کر سکے گا نہ جدا فاصلۂ وقت و مکاں
دور نظروں سے سہی دل سے مگر دور نہیں
میری تقدیر میں درشنؔ ہیں کسی کے جلوے
شکر صد شکر کہ دنیا مری بے نور نہیں