गुलों पे ख़ाक-ए-मेहन के सिवा कुछ और नहीं
चमन में याद-ए-चमन के सिवा कुछ और नहीं
कहाँ की मंज़िल-ए-रंगीं सहर तो होने दो
हमारे ख़्वाब थकन के सिवा कुछ और नहीं
ये शाम-ए-ग़ुर्बत-ए-दिल है यहाँ चराग़ कहाँ
ख़याल-ए-सुब्ह-ए-वतन के सिवा कुछ और नहीं
निगाह-ए-शौक़-ए-मुसलसल उसी को छेड़े जा
जबीं पे जिस की शिकन के सिवा कुछ और नहीं
दयार-ए-इश्क़ में तुम क्यूँ खड़े हो अहल-ए-हवस
यहाँ तो दार-ओ-रसन के सिवा कुछ और नहीं
सवाद-ए-शाम-ए-ख़िज़ाँ है तो हो हमें क्या ग़म
नज़र में सुब्ह-ए-चमन के सिवा कुछ और नहीं
करे तलाश जुनूँ ज़ुल्मत-ए-ख़िरद से कहो
जुनूँ किरन है किरन के सिवा कुछ और नहीं
हमारी नग़्मा-सराई के वास्ते 'दर्शन'
हवा-ए-गंग-ओ-जमन के सिवा कुछ और नहीं
guloñ pe ḳhāk-e-mehan ke sivā kuchh aur nahīñ
chaman meñ yād-e-chaman ke sivā kuchh aur nahīñ
kahāñ kī manzil-e-rañgīñ sahar to hone do
hamāre ḳhvāb thakan ke sivā kuchh aur nahīñ
ye shām-e-ġhurbat-e-dil hai yahāñ charāġh kahāñ
ḳhayāl-e-sub.h-e-vatan ke sivā kuchh aur nahīñ
nigāh-e-shauq-e-musalsal usī ko chheḌe jā
jabīñ pe jis kī shikan ke sivā kuchh aur nahīñ
dayār-e-ishq meñ tum kyuuñ khaḌe ho ahl-e-havas
yahāñ to dār-o-rasan ke sivā kuchh aur nahīñ
savād-e-shām-e-ḳhizāñ hai to ho hameñ kyā ġham
nazar meñ sub.h-e-chaman ke sivā kuchh aur nahīñ
kare talāsh junūñ zulmat-e-ḳhirad se kaho
junūñ kiran hai kiran ke sivā kuchh aur nahīñ
hamārī naġhma-sarā.ī ke vāste 'darshan'
havā-e-gañg-o-jaman ke sivā kuchh aur nahīñ
گلوں پہ خاک محن کے سوا کچھ اور نہیں
چمن میں یاد چمن کے سوا کچھ اور نہیں
کہاں کی منزل رنگیں سحر تو ہونے دو
ہمارے خواب تھکن کے سوا کچھ اور نہیں
یہ شام غربت دل ہے یہاں چراغ کہاں
خیال صبح وطن کے سوا کچھ اور نہیں
نگاہ شوق مسلسل اسی کو چھیڑے جا
جبیں پہ جس کی شکن کے سوا کچھ اور نہیں
دیار عشق میں تم کیوں کھڑے ہو اہل ہوس
یہاں تو دار و رسن کے سوا کچھ اور نہیں
سواد شام خزاں ہے تو ہو ہمیں کیا غم
نظر میں صبح چمن کے سوا کچھ اور نہیں
کرے تلاش جنوں ظلمت خرد سے کہو
جنوں کرن ہے کرن کے سوا کچھ اور نہیں
ہماری نغمہ سرائی کے واسطے درشنؔ
ہواۓ گنگ و جمن کے سوا کچھ اور نہیں