वो कब आएँ ख़ुदा जाने सितारो तुम तो सो जाओ
हुए हैं हम तो दीवाने सितारो तुम तो सो जाओ
कहाँ तक मुझ से हमदर्दी कहाँ तक मेरी ग़म-ख़्वारी
हज़ारों ग़म हैं अनजाने सितारो तुम तो सो जाओ
गुज़र जाएगी ग़म की रात उम्मीदो तो जाग उट्ठो
सँभल जाएँगे दीवाने सितारो तुम तो सो जाओ
हमें रूदाद-ए-हस्ती रात भर में ख़त्म करनी है
न छेड़ो और अफ़्साने सितारो तुम तो सो जाओ
हमारे दीदा-ए-बे-ख़्वाब को तस्कीन क्या दोगे
हमें लूटा है दुनिया ने सितारो तुम तो सो जाओ
उसे 'क़ाबिल' की चश्म-ए-नम से देरीना तअ'ल्लुक़ है
शब-ए-ग़म तुम को क्या जाने सितारो तुम तो सो जाओ
vo kab aa.eñ ḳhudā jaane sitāro tum to so jaao
hue haiñ ham to dīvāne sitāro tum to so jaao
kahāñ tak mujh se hamdardī kahāñ tak merī ġham-ḳhvārī
hazāroñ ġham haiñ anjāne sitāro tum to so jaao
guzar jā.egī ġham kī raat ummīdo to jaag uTTho
sambhal jā.eñge dīvāne sitāro tum to so jaao
hameñ rūdād-e-hastī raat bhar meñ ḳhatm karnī hai
na chheḌo aur afsāne sitāro tum to so jaao
hamāre dīda-e-be-ḳhvāb ko taskīn kyā doge
hameñ luuTā hai duniyā ne sitāro tum to so jaao
use 'qābil' kī chashm-e-nam se derīna ta.alluq hai
shab-e-ġham tum ko kyā jaane sitāro tum to so jaao
وہ کب آئیں خدا جانے ستارو تم تو سو جاؤ
ہوئے ہیں ہم تو دیوانے ستارو تم تو سو جاؤ
کہاں تک مجھ سے ہمدردی کہاں تک میری غم خواری
ہزاروں غم ہیں انجانے ستارو تم تو سو جاؤ
گزر جائے گی غم کی رات امیدو تو جاگ اٹھو
سنبھل جائیں گے دیوانے ستارو تم تو سو جاؤ
ہمیں روداد ہستی رات بھر میں ختم کرنی ہے
نہ چھیڑو اور افسانے ستارو تم تو سو جاؤ
ہمارے دیدۂ بے خواب کو تسکین کیا دو گے
ہمیں لوٹا ہے دنیا نے ستارو تم تو سو جاؤ
اسے قابلؔ کی چشم نم سے دیرینہ تعلق ہے
شب غم تم کو کیا جانے ستارو تم تو سو جاؤ