वो बार-ए-फ़र्ज़-ए-तकल्लुफ मुझी को ढोना पड़ा
उसे रुलाने की ख़ातिर मुझे भी रोना पड़ा
वो एक हुस्न था जिस की थी सिर्फ़ ख़्वाब में बूद
उसे जगाने की चाहत में मुझ को सोना पड़ा
मैं देखता हूँ ये छींटे लगेंगे किस के हाथ
मुझे जो आज उदासी से हाथ धोना पड़ा
ये क्या हुआ कि तिरी धुन में जिन से बिछड़े थे
उन्हीं के सामने तुझ से बिछड़ के रोना पड़ा
मैं अपनी मर्ज़ी से इस दुनिया में हुआ कब था
मआ'नी ये हैं कि मुझ को जहाँ में होना पड़ा
vo bār-e-farz-e-takalluf mujhī ko Dhonā paḌā
use rulāne kī ḳhātir mujhe bhī ronā paḌā
vo ek husn thā jis kī thī sirf ḳhvāb meñ buud
use jagāne kī chāhat meñ mujh ko sonā paḌā
maiñ dekhtā huuñ ye chhīñTe lageñge kis ke haath
mujhe jo aaj udāsī se haath dhonā paḌā
ye kyā huā ki tirī dhun meñ jin se bichhḌe the
unhīñ ke sāmne tujh se bichhaḌ ke ronā paḌā
maiñ apnī marzī se is duniyā meñ huā kab thā
ma.ānī ye haiñ ki mujh ko jahāñ meñ honā paḌā
وہ بار فرض تکلف مجھی کو ڈھونا پڑا
اسے رلانے کی خاطر مجھے بھی رونا پڑا
وہ ایک حسن تھا جس کی تھی صرف خواب میں بود
اسے جگانے کی چاہت میں مجھ کو سونا پڑا
میں دیکھتا ہوں یہ چھینٹے لگیں گے کس کے ہاتھ
مجھے جو آج اداسی سے ہاتھ دھونا پڑا
یہ کیا ہوا کہ تری دھن میں جن سے بچھڑے تھے
انہیں کے سامنے تجھ سے بچھڑ کے رونا پڑا
میں اپنی مرضی سے اس دنیا میں ہوا کب تھا
معانی یہ ہیں کہ مجھ کو جہاں میں ہونا پڑا