वो अब्र जो मय-ख़्वार की तुर्बत पे न बरसे
कह दो कि ख़ुदारा कभी गुज़रे न इधर से
इतना तो हुआ आह शब-ए-ग़म के असर से
फ़ितरत का जिगर फूट बहा चश्म-ए-सहर से
उम्मीद ने भी यास के मुर्दों को पुकारा
आई कोई आवाज़ न दिल से न जिगर से
नासेह को बुलाओ मिरा ईमान सँभाले
फिर देख लिया उस ने उसी एक नज़र से
ख़ुर्शीद-ए-क़यामत की अदा देख रहा हूँ
मिलती हुई सूरत है मिरे दाग़-ए-जिगर से
एक एक क़दम पर है जहाँ ख़ंदा-ए-तक़दीर
तदबीर गुज़रती है उसी राहगुज़र से
ऐ ख़ंदा-ए-गुलशन ये है अंजाम-ए-शब-ए-ऐश
गुल रोते हैं न मुँह ढाँप के दामान-ए-सहर से
कुछ शान-ए-करीमी ने इस अंदाज़ से तौला
भारी ही रहा दीदा-ए-तर दामन-ए-तर से
ख़तरे में हैं कुछ दिन से 'हफ़ीज़' अहल-ए-दो-आलम
हर शब मिरे नालों की लड़ाई है असर से
vo abr jo mai-ḳhvār kī turbat pe na barse
kah do ki ḳhudārā kabhī guzre na idhar se
itnā to huā aah shab-e-ġham ke asar se
fitrat kā jigar phuuT bahā chashm-e-sahar se
ummīd ne bhī yaas ke murdoñ ko pukārā
aa.ī koī āvāz na dil se na jigar se
nāseh ko bulāo mirā īmān sañbhāle
phir dekh liyā us ne usī ek nazar se
ḳhurshīd-e-qayāmat kī adā dekh rahā huuñ
miltī huī sūrat hai mire dāġh-e-jigar se
ek ek qadam par hai jahāñ ḳhanda-e-taqdīr
tadbīr guzartī hai usī rāhguzar se
ai ḳhanda-e-gulshan ye hai anjām-e-shab-e-aish
gul rote haiñ na muñh Dhāñp ke dāmān-e-sahar se
kuchh shān-e-karīmī ne is andāz se taulā
bhārī hī rahā dīda-e-tar dāman-e-tar se
ḳhatre meñ haiñ kuchh din se 'hafīz' ahl-e-do-ālam
har shab mire nāloñ kī laḌā.ī hai asar se
وہ ابر جو مے خوار کی تربت پہ نہ برسے
کہہ دو کہ خدارا کبھی گزرے نہ ادھر سے
اتنا تو ہوا آہ شب غم کے اثر سے
فطرت کا جگر پھوٹ بہا چشم سحر سے
امید نے بھی یاس کے مردوں کو پکارا
آئی کوئی آواز نہ دل سے نہ جگر سے
ناصح کو بلاؤ مرا ایمان سنبھالے
پھر دیکھ لیا اس نے اسی ایک نظر سے
خورشید قیامت کی ادا دیکھ رہا ہوں
ملتی ہوئی صورت ہے مرے داغ جگر سے
ایک ایک قدم پر ہے جہاں خندۂ تقدیر
تدبیر گزرتی ہے اسی راہ گزر سے
اے خندۂ گلشن یہ ہے انجام شب عیش
گل روتے ہیں نہ منہ ڈھانپ کے دامان سحر سے
کچھ شان کریمی نے اس انداز سے تولا
بھاری ہی رہا دیدۂ تر دامن تر سے
خطرے میں ہیں کچھ دن سے حفیظؔ اہل دو عالم
ہر شب مرے نالوں کی لڑائی ہے اثر سے