वक़्त पर आते हैं न जाते हैं
रोज़ इक़रार भूल जाते हैं
वो जो बे-वजह मुस्कुराते हैं
सैकड़ों वहम दिल में आते हैं
अश्क-ए-हसरत निकल के दामन में
जान से हाथ धोए आते हैं
जब तुम आते नहीं हो व'अदे पर
मलक-उल-मौत को बुलाते हैं
सो गया बख़्त जब से रो रो कर
सारे हम-सायों को जगाते हैं
उन को शर्म-ओ-हया नहीं आती
दिल चुरा कर नज़र चुराते हैं
बे-ख़ता है वो आसमाँ मुजरिम
इस को इल्ज़ाम क्यूँ लगाते हैं
जान कर बन गए हैं हम भोले
चुटकियों में किसे उड़ाते हैं
तेरे कूचे में हम भी अब थक कर
दिल के मानिंद बैठे जाते हैं
ग़ैर क्या और उस की हस्ती क्या
आप क्यूँ मुफ़्त ख़ौफ़ खाते हैं
कोई ताज़ा सितम किया ईजाद
देख कर वो जो मुस्कुराते हैं
आग पानी में क्यूँ लगाते हो
नेक जो लोग हैं बुझाते हैं
तुम मिरे दिल में हो तो देखूँ मैं
हूर ओ ग़िल्माँ कहीं समाते हैं
मैं ने पूछी जो वज्ह-ए-क़त्ल कहा
ठहरो दम ले के हम बताते हैं
इश्क़ तेरे तुफ़ैल दुनिया के
तंज़ें सुनते हैं ताने खाते हैं
बे-सबब क्या बिगड़ने का बाइस
आप 'परवीं' को भी बनाते हैं
vaqt par aate haiñ na jaate haiñ
roz iqrār bhuul jaate haiñ
vo jo be-vaj.h muskurāte haiñ
saikḌoñ vahm dil meñ aate haiñ
ashk-e-hasrat nikal ke dāman meñ
jaan se haath dho.e aate haiñ
jab tum aate nahīñ ho va.ade par
malak-ul-maut ko bulāte haiñ
so gayā baḳht jab se ro ro kar
saare ham-sāyoñ ko jagāte haiñ
un ko sharm-o-hayā nahīñ aatī
dil churā kar nazar churāte haiñ
be-ḳhatā hai vo āsmāñ mujrim
is ko ilzām kyuuñ lagāte haiñ
jaan kar ban ga.e haiñ ham bhole
chuTkiyoñ meñ kise uḌāte haiñ
tere kūche meñ ham bhī ab thak kar
dil ke mānind baiThe jaate haiñ
ġhair kyā aur us kī hastī kyā
aap kyuuñ muft ḳhauf khāte haiñ
koī taaza sitam kiyā ījād
dekh kar vo jo muskurāte haiñ
aag paanī meñ kyuuñ lagāte ho
nek jo log haiñ bujhāte haiñ
tum mire dil meñ ho to dekhūñ maiñ
huur o ġhilmāñ kahīñ samāte haiñ
maiñ ne pūchhī jo vaj.h-e-qatl kahā
Thahro dam le ke ham batāte haiñ
ishq tere tufail duniyā ke
tanzeñ sunte haiñ ta.ane khāte haiñ
be-sabab kyā bigaḌne kā baa.is
aap 'parvīñ' ko bhī banāte haiñ
وقت پر آتے ہیں نہ جاتے ہیں
روز اقرار بھول جاتے ہیں
وہ جو بے وجہ مسکراتے ہیں
سیکڑوں وہم دل میں آتے ہیں
اشک حسرت نکل کے دامن میں
جان سے ہاتھ دھوئے آتے ہیں
جب تم آتے نہیں ہو وعدہ پر
ملک الموت کو بلاتے ہیں
سو گیا بخت جب سے رو رو کر
سارے ہم سایوں کو جگاتے ہیں
ان کو شرم و حیا نہیں آتی
دل چرا کر نظر چراتے ہیں
بے خطا ہے وہ آسماں مجرم
اس کو الزام کیوں لگاتے ہیں
جان کر بن گئے ہیں ہم بھولے
چٹکیوں میں کسے اڑاتے ہیں
تیرے کوچہ میں ہم بھی اب تھک کر
دل کے مانند بیٹھے جاتے ہیں
غیر کیا اور اس کی ہستی کیا
آپ کیوں مفت خوف کھاتے ہیں
کوئی تازہ ستم کیا ایجاد
دیکھ کر وہ جو مسکراتے ہیں
آگ پانی میں کیوں لگاتے ہو
نیک جو لوگ ہیں بجھاتے ہیں
تم مرے دل میں ہو تو دیکھوں میں
حور و غلماں کہیں سماتے ہیں
میں نے پوچھی جو وجہ قتل کہا
ٹھہرو دم لے کے ہم بتاتے ہیں
عشق تیرے طفیل دنیا کے
طنزیں سنتے ہیں طعنے کھاتے ہیں
بے سبب کیا بگڑنے کا باعث
آپ پرویںؔ کو بھی بناتے ہیں