बहुत दिन दर्स-ए-उल्फ़त में कटे हैं
मोहब्बत के सबक़ बरसों रटे हैं
जुनूँ में हो गया है अब ये दर्जा
कि है हालत रदी कपड़े फटे हैं
हरम से वापसी पर मेरी दावत
हुई मय-ख़ाने में मय-कश डटे हैं
बहुत पीर-ए-मुग़ाँ ज़ी-हौसला है
शराब-ए-नाब के साग़र लुटे हैं
रियाज़ ओ ज़ोहद के जितने थे धब्बे
वो सारे नक़्श-ए-बातिल अब मिटे हैं
तबर्रुक थे मिरी तौबा के टुकड़े
बजाए नक़्ल महफ़िल में बटे हैं
अलम के दर्द के हसरत के ग़म के
मज़े जितने हैं सारे चटपटे हैं
नहीं बे-वजह वाइज़ रोनी सूरत
ये हज़रत आज रिंदों में पिटे हैं
हुए जारूब-कश उस दर के 'परवीं'
कि सारे गर्द मिट्टी में अटे हैं
bahut din dars-e-ulfat meñ kaTe haiñ
mohabbat ke sabaq barsoñ raTe haiñ
junūñ meñ ho gayā hai ab ye darja
ki hai hālat radī kapḌe phaTe haiñ
haram se vāpsī par merī dāvat
huī mai-ḳhāne meñ mai-kash DaTe haiñ
bahut pīr-e-muġhāñ zī-hausla hai
sharāb-e-nāb ke sāġhar luTe haiñ
riyāz o zohd ke jitne the dhabbe
vo saare naqsh-e-bātil ab miTe haiñ
tabarruk the mirī tauba ke TukḌe
bajā.e naql mahfil meñ baTe haiñ
alam ke dard ke hasrat ke ġham ke
maze jitne haiñ saare chaTpaTe haiñ
nahīñ be-vaj.h vaa.iz ronī sūrat
ye hazrat aaj rindoñ meñ piTe haiñ
hue jārūb-kash us dar ke 'parvīñ'
ki saare gard miTTī meñ aTe haiñ
بہت دن درس الفت میں کٹے ہیں
محبت کے سبق برسوں رٹے ہیں
جنوں میں ہو گیا ہے اب یہ درجہ
کہ ہے حالت ردی کپڑے پھٹے ہیں
حرم سے واپسی پر میری دعوت
ہوئی مے خانہ میں میکش ڈٹے ہیں
بہت پیر مغاں ذی حوصلہ ہے
شراب ناب کے ساغر لٹے ہیں
ریاض و زہد کے جتنے تھے دھبے
وہ سارے نقش باطل اب مٹے ہیں
تبرک تھے مری توبہ کے ٹکڑے
بجائے نقل محفل میں بٹے ہیں
الم کے درد کے حسرت کے غم کے
مزے جتنے ہیں سارے چٹپٹے ہیں
نہیں بے وجہ واعظ رونی صورت
یہ حضرت آج رندوں میں پٹے ہیں
ہوئے جاروب کش اس در کے پرویںؔ
کہ سارے گرد مٹی میں اٹے ہیں