बदली हुई है चर्ख़ की रफ़्तार आज-कल
हो बंद रास्त-गोई का बाज़ार आज-कल
'इल्म-ओ-हुनर है मुल्क को दरकार आज-कल
हम ख़ुद भले-बुरे के हैं मुख़्तार आज-कल
है और ही तरीक़ा-ए-बाज़ार आज-कल
जिंस-ए-नफ़ीस के हैं ख़रीदार आज-कल
ग़फ़लत का दौर मुल्क से शायद गुज़र गया
मख़्लूक़ होती जाती है बेदार आज-कल
गुल-गूना-ए-तरक़्क़ी-तहज़ीब-ओ-'इल्म से
शुक्र-ए-ख़ुदा कि सुर्ख़ हैं रुख़्सार आज-कल
क्यूँ जानते हैं सनअत-ओ-हिरफ़त को बाग़-ए-ख़ुल्द
ग़ैरों की हम निगाह में हैं ख़ार आज-कल
रौशन है अपनी बे-हुनरी आफ़्ताब से
है सुब्ह के क़रीब शब-ए-तार आज-कल
बिगड़ी हुई है मय-कदा-ए-दहर की हवा
हो जाएँ शैख़-जी भी न मय-ख़्वार आज-कल
क्या काम इन सफ़ेद चुड़ैलों का हिन्द में
क्यूँ ऐसी शादियों की है भर-मार आज-कल
हर चीज़ की गिरानी ने वीरान कर दिया
सर्फ़-ए-ख़िज़ाँ है हिन्द का गुलज़ार आज-कल
इस बाग़ में है बाद-ए-ख़िज़ाँ-ओ-बाद-ए-क़हत
हर गुल के दिल में है ख़लिश-ए-ख़ार आज-कल
भूले हैं अपने फ़र्ज़ को ये ख़्वाजगान-ए-हिन्द
हक़ देने में भी करते हैं इंकार आज-कल
शुक्र-ए-ख़ुदा कि ज़ुल्म से मा'ज़ूर है फ़लक
बर्तानिया है ख़ल्क़ की ग़म-ख़्वार आज-कल
या-रब हमारे दिल को तू अपनी पनाह दे
दिलदार हो गए हैं दिल-आज़ार आज-कल
मख़्सूस हो चुकी हैं इरादी ग़ुलामियाँ
है इक अनार सैकड़ों बीमार आज-कल
एक एक कर के जितने हुनर थे वो छिन गए
हम ज़िंदगी से क्यूँ न हों बेज़ार आज-कल
इक जुर्म और फ़र्द-ए-जराएम में बढ़ गया
या'नी न दर्द-ए-दिल का हो इज़हार आज-कल
जीने की फ़िक्र कीजिए और पेट का ख़याल
मौक़ूफ़ कीजे 'इश्क़ का आज़ार आज-कल
पाबंदियाँ भी चाहिएँ इंसान को ज़रूर
आज़ादियों की क्यूँ है ये भर-मार आज-कल
मिलता नहीं कहीं दहन-ए-यार है अनाज
फ़ाक़ों से जिस्म है कमर-ए-यार आज-कल
है तंग-दस्तियों के सबब ज़ो'फ़ इस क़दर
सब की हैं आँखें नर्गिस-ए-बीमार आज-कल
लाखों मुहाल अक़ली ओ 'आदी सही मगर
कस्ब-ए-म'आश सब से है दुश्वार आज-कल
क्या कीजे तर निवालों का मौसम नहीं रहा
चिपके हुए हैं यार के रुख़्सार आज-कल
फ़ाक़ों से है ये हाल अगर तोल कर बिठाएँ
आधे टिकट में जाए तन-ए-ज़ार आज-कल
गुल कर दिया चराग़-ए-म'ईशत तू ऐ हवा
मे'दा के भी न घिस गए क्यूँ ख़ार आज-कल
चारों तरफ़ बुलंद है फ़रियाद हाए हाए
मातम-कदा है क़हक़ा-ए-दीवार आज-कल
दौलत जब आएगी कि वही चीज़ हम बनाएँ
जो चीज़ चाहते हों ख़रीदार आज-कल
बेहतर है कार-ख़ानों से हो मुल्क का भला
उगलें गड़े ख़ज़ानों को ज़रदार आज-कल
सन'अत का नाम गंज है हिरफ़त का नाम ज़र
इल्म-ए-शिकम है मुल्क को दरकार आज-कल
'परवीं' की ये दु'आ है रहे अम्न मुल्क में
रब्ब-ए-ग़फ़ूर तू ही है ग़म-ख़्वार आज-कल
badlī huī hai charḳh kī raftār āj-kal
ho band rāst-goī kā bāzār āj-kal
'ilm-o-hunar hai mulk ko darkār āj-kal
ham ḳhud bhale-bure ke haiñ muḳhtār āj-kal
hai aur hī tarīqa-e-bāzār āj-kal
jins-e-nafīs ke haiñ ḳharīdār āj-kal
ġhaflat kā daur mulk se shāyad guzar gayā
maḳhlūq hotī jaatī hai bedār āj-kal
gul-gūna-e-taraqqī-e-tahzīb-o-'ilm se
shukr-e-ḳhudā ki surḳh haiñ ruḳhsār āj-kal
kyuuñ jānte haiñ san.at-o-hirfat ko bāġh-e-ḳhuld
ġhairoñ kī ham nigāh meñ haiñ ḳhaar āj-kal
raushan hai apnī be-hunarī āftāb se
hai sub.h ke qarīb shab-e-tār āj-kal
bigḌī huī hai mai-kada-e-dahr kī havā
ho jaa.eñ shaiḳh-jī bhī na mai-ḳhvār āj-kal
kyā kaam in safed chuḌailoñ kā hind meñ
kyuuñ aisī shādiyoñ kī hai bhar-mār āj-kal
har chiiz kī girānī ne vīrān kar diyā
sarf-e-ḳhizāñ hai hind kā gulzār āj-kal
is baaġh meñ hai bād-e-ḳhizāñ-o-bād-e-qaht
har gul ke dil meñ hai ḳhalish-e-ḳhār āj-kal
bhūle haiñ apne farz ko ye ḳhvājgān-e-hind
haq dene meñ bhī karte haiñ inkār āj-kal
shukr-e-ḳhudā ki zulm se mā'zūr hai falak
bartāniya hai ḳhalq kī ġham-ḳhvār āj-kal
yā-rab hamāre dil ko tū apnī panāh de
dildār ho ga.e haiñ dil-āzār āj-kal
maḳhsūs ho chukī haiñ irādī ġhulāmiyāñ
hai ik anaar saikḌoñ bīmār āj-kal
ek ek kar ke jitne hunar the vo chhin ga.e
ham zindagī se kyuuñ na hoñ bezār āj-kal
ik jurm aur fard-e-jarā.em meñ baḌh gayā
yā'nī na dard-e-dil kā ho iz.hār āj-kal
jiine kī fikr kījiye aur peT kā ḳhayāl
mauqūf kiije 'ishq kā āzār āj-kal
pābandiyāñ bhī chāhiyeñ insān ko zarūr
āzādiyoñ kī kyuuñ hai ye bhar-mār āj-kal
miltā nahīñ kahīñ dahan-e-yār hai anaaj
fāqoñ se jism hai kamar-e-yār āj-kal
hai tañg-dastiyoñ ke sabab zo'f is qadar
sab kī haiñ āñkheñ nargis-e-bīmār āj-kal
lākhoñ muhāl aqlī o 'aadī sahī magar
kasb-e-ma'āsh sab se hai dushvār āj-kal
kyā kiije tar nivāloñ kā mausam nahīñ rahā
chipke hue haiñ yaar ke ruḳhsār āj-kal
fāqoñ se hai ye haal agar tol kar biThā.eñ
aadhe ticket meñ jaa.e tan-e-zār āj-kal
gul kar diyā charāġh-e-ma'īshat tū ai havā
me'da ke bhī na ghis ga.e kyuuñ ḳhaar āj-kal
chāroñ taraf buland hai fariyād haa.e haa.e
mātam-kada hai qahqah-e-dīvār āj-kal
daulat jab aa.egī ki vahī chiiz ham banā.eñ
jo chiiz chāhte hoñ ḳharīdār āj-kal
behtar hai kār-ḳhānoñ se ho mulk kā bhalā
ugleñ gaḌe ḳhazānoñ ko zardār āj-kal
san'at kā naam ganj hai hirfat kā naam zar
ilm-e-shikam hai mulk ko darkār āj-kal
'parvīñ' kī ye du'ā hai rahe amn mulk meñ
rabb-e-ġhafūr tū hī hai ġham-ḳhvār āj-kal
بدلی ہوئی ہے چرخ کی رفتار آج کل
ہو بند راست گوئی کا بازار آج کل
علم و ہنر ہے ملک کو درکار آج کل
ہم خود بھلے برے کے ہیں مختار آج کل
ہے اور ہی طریقۂ بازار آج کل
جنس نفیس کے ہیں خریدار آج کل
غفلت کا دور ملک سے شاید گزر گیا
مخلوق ہوتی جاتی ہے بیدار آج کل
گل گونۂ ترقیٔ تہذیب و علم سے
شکر خدا کہ سرخ ہیں رخسار آج کل
کیوں جانتے ہیں صنعت و حرفت کو باغ خلد
غیروں کی ہم نگاہ میں ہیں خار آج کل
روشن ہے اپنی بے ہنری آفتاب سے
ہے صبح کے قریب شب تار آج کل
بگڑی ہوئی ہے مے کدۂ دہر کی ہوا
ہو جائیں شیخ جی بھی نہ مے خوار آج کل
کیا کام ان سفید چڑیلوں کا ہند میں
کیوں ایسی شادیوں کی ہے بھر مار آج کل
ہر چیز کی گرانی نے ویران کر دیا
صرف خزاں ہے ہند کا گل زار آج کل
اس باغ میں ہے باد خزاں و باد قحط
ہر گل کے دل میں ہے خلش خار آج کل
بھولے ہیں اپنے فرض کو یہ خواجگان ہند
حق دینے میں بھی کرتے ہیں انکار آج کل
شکر خدا کہ ظلم سے معذور ہے فلک
برطانیہ ہے خلق کی غم خوار آج کل
یا رب ہمارے دل کو تو اپنی پناہ دے
دل دار ہو گئے ہیں دل آزار آج کل
مخصوص ہو چکی ہیں ارادی غلامیاں
ہے اک انار سیکڑوں بیمار آج کل
ایک ایک کر کے جتنے ہنر تھے وہ چھن گئے
ہم زندگی سے کیوں نہ ہوں بیزار آج کل
اک جرم اور فرد جرائم میں بڑھ گیا
یعنی نہ درد دل کا ہو اظہار آج کل
جینے کی فکر کیجئے اور پیٹ کا خیال
موقوف کیجے عشق کا آزار آج کل
پابندیاں بھی چاہئیں انسان کو ضرور
آزادیوں کی کیوں ہے یہ بھر مار آج کل
ملتا نہیں کہیں دہن یار ہے اناج
فاقوں سے جسم ہے کمر یار آج کل
ہے تنگ دستیوں کے سبب ضعف اس قدر
سب کی ہیں آنکھیں نرگس بیمار آج کل
لاکھوں محال عقلی و عادی سہی مگر
کسب معاش سب سے ہے دشوار آج کل
کیا کیجے تر نوالوں کا موسم نہیں رہا
چپکے ہوئے ہیں یار کے رخسار آج کل
فاقوں سے ہے یہ حال اگر تول کر بٹھائیں
آدھے ٹکٹ میں جائے تن زار آج کل
گل کر دیا چراغ معیشت تو اے ہوا
معدہ کے بھی نہ گھس گئے کیوں خار آج کل
چاروں طرف بلند ہے فریاد ہائے ہائے
ماتم کدہ ہے قہقۂ دیوار آج کل
دولت جب آئے گی کہ وہی چیز ہم بنائیں
جو چیز چاہتے ہوں خریدار آج کل
بہتر ہے کارخانوں سے ہو ملک کا بھلا
اگلیں گڑے خزانوں کو زردار آج کل
صنعت کا نام گنج ہے حرفت کا نام زر
علم شکم ہے ملک کو درکار آج کل
پرویںؔ کی یہ دعا ہے رہے امن ملک میں
رب غفور تو ہی ہے غم خوار آج کل