वही मुसाफ़िर मुसाफ़िरत का मुझे क़रीना सिखा रहा था
जो अपनी छागल से अपने घोड़े को आप पानी पिला रहा था
दुखों के गारे में हाथ लिथड़े हुए थे मेरे हुनर के लेकिन
मैं रोते रोते भी मुस्कुराता हुआ कोई बुत बना रहा था
कुछ इस लिए भी मिरी सदा पर हर इक समाअ'त को था भरोसा
गुमाँ के सहरा में बैठ कर मैं यक़ीन के गीत गा रहा था
सुना है कल रात मर गया वो बरहना दरवेश झोंपड़ी में
फ़ना के बिस्तर पे जो बक़ा की हरीस गुदड़ी बिछा रहा था
मिरी नज़र में वो तिफ़्ल मस्जिद के पेशवा से भी मोहतरम है
जो एहतिरामन गली से गंदुम के बिखरे दाने उठा रहा था
बहुत मुक़द्दस थे उस सिपाही की दोनों आँखों के सुर्ख़ डोरे
जो सोई मख़्लूक़ की हिफ़ाज़त में ख़्वाब अपने गँवा रहा था
तमाम शब उस के भूके बच्चों ने जाग कर ही गुज़ार दी थी
ख़ुदी के फ़ुटपाथ पर जो ग़ुर्बत थपक थपक कर सुला रहा था
वो मेरी बरसी पे मेरी मय्यत के नाम शाम-ए-ग़ज़ल थी 'वासिफ़'
मैं अपनी तुर्बत में लेटे लेटे कलाम सब को सुना रहा था
vahī musāfir musāfirat kā mujhe qarīna sikhā rahā thā
jo apnī chhāgal se apne ghoḌe ko aap paanī pilā rahā thā
dukhoñ ke gaare meñ haath lithḌe hue the mere hunar ke lekin
maiñ rote rote bhī muskurātā huā koī but banā rahā thā
kuchh is liye bhī mirī sadā par har ik samā.at ko thā bharosa
gumāñ ke sahrā meñ baiTh kar maiñ yaqīn ke giit gā rahā thā
sunā hai kal raat mar gayā vo barahna darvesh jhoñpaḌī meñ
fanā ke bistar pe jo baqā kī harīs gudḌī bichhā rahā thā
mirī nazar meñ vo tifl masjid ke peshvā se bhī mohtaram hai
jo ehtirāman galī se gandum ke bikhre daane uThā rahā thā
bahut muqaddas the us sipāhī kī donoñ āñkhoñ ke surḳh Dore
jo soī maḳhlūq kī hifāzat meñ ḳhvāb apne gañvā rahā thā
tamām shab us ke bhūke bachchoñ ne jaag kar hī guzār dī thī
ḳhudī ke fōtpath par jo ġhurbat thapak thapak kar sulā rahā thā
vo merī barsī pe merī mayyat ke naam shām-e-ġhazal thī 'vāsif'
maiñ apnī turbat meñ leTe leTe kalām sab ko sunā rahā thā
وہی مسافر مسافرت کا مجھے قرینہ سکھا رہا تھا
جو اپنی چھاگل سے اپنے گھوڑے کو آپ پانی پلا رہا تھا
دکھوں کے گارے میں ہاتھ لتھڑے ہوئے تھے میرے ہنر کے لیکن
میں روتے روتے بھی مسکراتا ہوا کوئی بت بنا رہا تھا
کچھ اس لیے بھی مری صدا پر ہر اک سماعت کو تھا بھروسہ
گماں کے صحرا میں بیٹھ کر میں یقین کے گیت گا رہا تھا
سنا ہے کل رات مر گیا وہ برہنہ درویش جھونپڑی میں
فنا کے بستر پہ جو بقا کی حریص گدڑی بچھا رہا تھا
مری نظر میں وہ طفل مسجد کے پیشوا سے بھی محترم ہے
جو احتراماً گلی سے گندم کے بکھرے دانے اٹھا رہا تھا
بہت مقدس تھے اس سپاہی کی دونوں آنکھوں کے سرخ ڈورے
جو سوئی مخلوق کی حفاظت میں خواب اپنے گنوا رہا تھا
تمام شب اس کے بھوکے بچوں نے جاگ کر ہی گزار دی تھی
خودی کے فٹ پاتھ پر جو غربت تھپک تھپک کر سلا رہا تھا
وہ میری برسی پہ میری میت کے نام شام غزل تھی واصفؔ
میں اپنی تربت میں لیٹے لیٹے کلام سب کو سنا رہا تھا