जब्र ने जब मुझे रुस्वा सर-ए-बाज़ार किया
सब्र ने मेरे मुझे साहब-ए-दस्तार किया
मेरी लफ़्ज़ों की इमारत गिरी काम आई मिरे
मेरी ग़ज़लों ने मिरे नाम को मीनार किया
अपने हाथों में कुदूरत की कुदालें ले कर
मेरे अपनों ने मिरी ज़ात को मिस्मार किया
याद जब आया कोई वा'दा-ए-ता'मीर मुझे
मैं ने तब जिस्म की हर पोर को मे'मार किया
और फिर सब्ज़ इशारा हुआ उस पार से जब
मैं ने इक जस्त में दरिया-ए-बला पार किया
आज फिर ख़ाक बहुत रोई लिपट कर मुझ से
आज फिर क़ब्र ने बाबा की मुझे प्यार किया
चाँद ने रात मिरे साथ मिरे दुख बाँटे
सुब्ह सूरज ने भी गिर्या सर-ए-दीवार किया
आग अश्जार को लगने से कई दिन पहले
मैं ने रो रो के परिंदों को ख़बर-दार किया
ऐसा मातम कभी दरिया का न देखा न सुना
जाने किस प्यास ने पानी को अज़ा-दार किया
जब हवा देने लगी ठंडे दिलासे मुझ को
कुछ चराग़ों ने भी अफ़्सोस का इज़हार किया
देख कर जलती हुई झोंपड़ी कल शब 'वासिफ़'
मैं ने सोए हुए दरवेश को बेदार किया
jabr ne jab mujhe rusvā sar-e-bāzār kiyā
sabr ne mere mujhe sāhab-e-dastār kiyā
merī lafzoñ kī imārat girī kaam aa.ī mire
merī ġhazloñ ne mire naam ko mīnār kiyā
apne hāthoñ meñ kudūrat kī kudāleñ le kar
mere apnoñ ne mirī zaat ko mismār kiyā
yaad jab aayā koī va.ada-e-ta.amīr mujhe
maiñ ne tab jism kī har por ko me.amār kiyā
aur phir sabz ishāra huā us paar se jab
maiñ ne ik jast meñ dariyā-e-balā paar kiyā
aaj phir ḳhaak bahut roī lipaT kar mujh se
aaj phir qabr ne baabā kī mujhe pyaar kiyā
chāñd ne raat mire saath mire dukh bāñTe
sub.h sūraj ne bhī girya sar-e-dīvār kiyā
aag ashjār ko lagne se ka.ī din pahle
maiñ ne ro ro ke parindoñ ko ḳhabar-dār kiyā
aisā mātam kabhī dariyā kā na dekhā na sunā
jaane kis pyaas ne paanī ko azā-dār kiyā
jab havā dene lagī ThanDe dilāse mujh ko
kuchh charāġhoñ ne bhī afsos kā iz.hār kiyā
dekh kar jaltī huī jhoñpaḌī kal shab 'vāsif'
maiñ ne so.e hue darvesh ko bedār kiyā
جبر نے جب مجھے رسوا سر بازار کیا
صبر نے میرے مجھے صاحب دستار کیا
میری لفظوں کی عمارت گری کام آئی مرے
میری غزلوں نے مرے نام کو مینار کیا
اپنے ہاتھوں میں کدورت کی کدالیں لے کر
میرے اپنوں نے مری ذات کو مسمار کیا
یاد جب آیا کوئی وعدۂ تعمیر مجھے
میں نے تب جسم کی ہر پور کو معمار کیا
اور پھر سبز اشارہ ہوا اس پار سے جب
میں نے اک جست میں دریائے بلا پار کیا
آج پھر خاک بہت روئی لپٹ کر مجھ سے
آج پھر قبر نے بابا کی مجھے پیار کیا
چاند نے رات مرے ساتھ مرے دکھ بانٹے
صبح سورج نے بھی گریہ سر دیوار کیا
آگ اشجار کو لگنے سے کئی دن پہلے
میں نے رو رو کے پرندوں کو خبردار کیا
ایسا ماتم کبھی دریا کا نہ دیکھا نہ سنا
جانے کس پیاس نے پانی کو عزا دار کیا
جب ہوا دینے لگی ٹھنڈے دلاسے مجھ کو
کچھ چراغوں نے بھی افسوس کا اظہار کیا
دیکھ کر جلتی ہوئی جھونپڑی کل شب واصفؔ
میں نے سوئے ہوئے درویش کو بیدار کیا