वहाँ हैं अपनी ख़ुद-आराइयाँ हिजाब नहीं
मक़ाम-ए-जल्वा है पर्दा नहीं नक़ाब नहीं
मैं जिस जहान में हूँ माह-ओ-आफ़्ताब नहीं
तग़य्युरात नहीं कोई इंक़लाब नहीं
हिजाब-ए-अहल-ए-नज़र है फ़रोग़-ए-हुस्न तिरा
जो बे-नक़ाब भी तू है तो बे-नक़ाब नहीं
वो लाख छुपते मगर हम तो देख ही लेते
हमारी आँख जहाँ है वहाँ हिजाब नहीं
मय-ए-मजाज़-ओ-हक़ीक़त का नश्शा हो जिस में
हमारे जाम-ए-सिफ़ाली में वो शराब नहीं
तमाम रात पड़ा करवटें बदलता हूँ
जो मेरे सामने वो चश्म-ए-नीम-ख़्वाब नहीं
लिखे हुए हैं वो सब हाथ से फ़रिश्तों के
मिरे गुनाहों का क्यूँकर कहूँ हिसाब नहीं
बिखेर ज़ुल्फ़-ए-सियह को न रू-ए-रौशन पर
छुपाए अब्र जिसे ये वो आफ़्ताब नहीं
अभी है नाज़ उठाने का हौसला बाक़ी
कि दिल वही है अगर मौसम-ए-शबाब नहीं
ये उन की उठती जवानी की इक हक़ीक़त है
उलट न दे जो क़यामत को वो शबाब नहीं
लगी है कैसी ये चुप तुम को ऐ अदम वालो
किसी सवाल का मेरे कोई जवाब नहीं
नज़र-नवाज़ अदाएँ हैं हुस्न-ए-ख़ुद-बीं की
हया का शाइबा जिन में नहीं हिजाब नहीं
क़दम सँभाल के रख पाएमाल हो न कोई
ज़मीन-ए-गोर-ए-ग़रीबाँ है फ़र्श-ए-ख़्वाब नहीं
नज़र-फ़रेब है दुनिया-ए-दूँ का नज़्ज़ारा
तिलिस्म-ए-वहम-ओ-गुमाँ है फ़क़त सराब नहीं
अज़ल से वक़्फ़-ए-तग़य्युर निज़ाम-ए-हस्ती है
ज़माना रंग दिखाता है इंक़लाब नहीं
कुछ आज लज़्ज़त-ए-दर्द-ए-जिगर का लुत्फ़ मिला
हुआ सुकून तो क्या कुछ अब इज़्तिराब नहीं
फ़िदा-ए-नाम-ए-मुबारक है 'शाद' सूफ़ी भी
कहे न कोई सना-ख़्वान-ए-बू-तुराब नहीं
vahāñ haiñ apnī ḳhud-ārā.iyāñ hijāb nahīñ
maqām-e-jalva hai parda nahīñ naqāb nahīñ
maiñ jis jahān meñ huuñ māh-o-āftāb nahīñ
taġhayyurāt nahīñ koī inqalāb nahīñ
hijāb-e-ahl-e-nazar hai faroġh-e-husn tirā
jo be-naqāb bhī tū hai to be-naqāb nahīñ
vo laakh chhupte magar ham to dekh hī lete
hamārī aañkh jahāñ hai vahāñ hijāb nahīñ
mai-e-majāz-o-haqīqat kā nashsha ho jis meñ
hamāre jām-e-sifālī meñ vo sharāb nahīñ
tamām raat paḌā karvaTeñ badaltā huuñ
jo mere sāmne vo chashm-e-nīm-ḳhvāb nahīñ
likhe hue haiñ vo sab haath se farishtoñ ke
mire gunāhoñ kā kyūñkar kahūñ hisāb nahīñ
bikher zulf-e-siyah ko na rū-e-raushan par
chhupā.e abr jise ye vo āftāb nahīñ
abhī hai naaz uThāne kā hausla baaqī
ki dil vahī hai agar mausam-e-shabāb nahīñ
ye un kī uThtī javānī kī ik haqīqat hai
ulaT na de jo qayāmat ko vo shabāb nahīñ
lagī hai kaisī ye chup tum ko ai adam vaalo
kisī savāl kā mere koī javāb nahīñ
nazar-navāz adā.eñ haiñ husn-e-ḳhud-bīñ kī
hayā kā shā.iba jin meñ nahīñ hijāb nahīñ
qadam sañbhāl ke rakh pā.emāl ho na koī
zamīn-e-gor-e-ġharībāñ hai farsh-e-ḳhvāb nahīñ
nazar-fareb hai duniyā-e-dūñ kā nazzāra
tilism-e-vahm-o-gumāñ hai faqat sarāb nahīñ
azal se vaqf-e-taġhayyur nizām-e-hastī hai
zamāna rang dikhātā hai inqalāb nahīñ
kuchh aaj lazzat-e-dard-e-jigar kā lutf milā
huā sukūn to kyā kuchh ab iztirāb nahīñ
fidā-e-nām-e-mubārak hai 'shād' suufī bhī
kahe na koī sanā-ḳhvān-e-bū-turāb nahīñ
وہاں ہیں اپنی خود آرائیاں حجاب نہیں
مقام جلوہ ہے پردہ نہیں نقاب نہیں
میں جس جہان میں ہوں ماہ و آفتاب نہیں
تغیرات نہیں کوئی انقلاب نہیں
حجاب اہل نظر ہے فروغ حسن ترا
جو بے نقاب بھی تو ہے تو بے نقاب نہیں
وہ لاکھ چھپتے مگر ہم تو دیکھ ہی لیتے
ہماری آنکھ جہاں ہے وہاں حجاب نہیں
مئے مجاز و حقیقت کا نشہ ہو جس میں
ہمارے جام سفالی میں وہ شراب نہیں
تمام رات پڑا کروٹیں بدلتا ہوں
جو میرے سامنے وہ چشم نیم خواب نہیں
لکھے ہوئے ہیں وہ سب ہاتھ سے فرشتوں کے
مرے گناہوں کا کیوں کر کہوں حساب نہیں
بکھیر زلف سیہ کو نہ روئے روشن پر
چھپائے ابر جسے یہ وہ آفتاب نہیں
ابھی ہے ناز اٹھانے کا حوصلہ باقی
کہ دل وہی ہے اگر موسم شباب نہیں
یہ ان کی اٹھتی جوانی کی اک حقیقت ہے
الٹ نہ دے جو قیامت کو وہ شباب نہیں
لگی ہے کیسی یہ چپ تم کو اے عدم والو
کسی سوال کا میرے کوئی جواب نہیں
نظر نواز ادائیں ہیں حسن خود بیں کی
حیا کا شائبہ جن میں نہیں حجاب نہیں
قدم سنبھال کے رکھ پائمال ہو نہ کوئی
زمین گور غریباں ہے فرش خواب نہیں
نظر فریب ہے دنیائے دوں کا نظارہ
طلسم وہم و گماں ہے فقط سراب نہیں
ازل سے وقف تغیر نظام ہستی ہے
زمانہ رنگ دکھاتا ہے انقلاب نہیں
کچھ آج لذت درد جگر کا لطف ملا
ہوا سکون تو کیا کچھ اب اضطراب نہیں
فدائے نام مبارک ہے شادؔ صوفی بھی
کہے نہ کوئی ثنا خوان بو تراب نہیں