फ़ना कहते हैं किस को मौत से पहले ही मर जाना
बक़ा है नाम किस का अपनी हस्ती से गुज़र जाना
जो रोका राह में हुर ने तो शह अब्बास से बोले
मिरे भाई न ग़ुस्से में कहीं हद से गुज़र जाना
कहा अहल-ए-हरम ने रोके यूँ अकबर के लाशे पर
जवाँ होने का शायद तुम ने रक्खा नाम मर जाना
बक़ा में था फ़ना का मर्तबा हासिल शहीदों को
वहाँ इस पर अमल था मौत से पहले ही मर जाना
न लेते काम गर सिब्त-ए-नबी सब्र-ओ-तहम्मुल से
लईनों का निगाह-ए-ख़श्म से आसाँ था मर जाना
दिखाई जंग में सूरत उधर जा पहुँचे वो कौसर
ये असग़र ही की थी रफ़्तार इधर आना उधर जाना
यहाँ का ज़िंदा रहना मौत से बद-तर समझता हूँ
हयात-ए-जाविदाँ है कर्बला में जा के मर जाना
fanā kahte haiñ kis ko maut se pahle hī mar jaanā
baqā hai naam kis kā apnī hastī se guzar jaanā
jo rokā raah meñ hur ne to shah abbās se bole
mire bhaa.ī na ġhusse meñ kahīñ had se guzar jaanā
kahā ahl-e-haram ne roke yuuñ akbar ke lāshe par
javāñ hone kā shāyad tum ne rakkhā naam mar jaanā
baqā meñ thā fanā kā martaba hāsil shahīdoñ ko
vahāñ is par amal thā maut se pahle hī mar jaanā
na lete kaam gar sibt-e-nabī sabr-o-tahammul se
la.īnoñ kā nigāh-e-ḳhashm se āsāñ thā mar jaanā
dikhā.ī jañg meñ sūrat udhar jā pahuñche vo kausar
ye asġhar hī kī thī raftār idhar aanā udhar jaanā
yahāñ kā zinda rahnā maut se bad-tar samajhtā huuñ
hayāt-e-jāvidāñ hai karbalā meñ jā ke mar jaanā
فنا کہتے ہیں کس کو موت سے پہلے ہی مر جانا
بقا ہے نام کس کا اپنی ہستی سے گزر جانا
جو روکا راہ میں حر نے تو شہہ عباس سے بولے
مرے بھائی نہ غصے میں کہیں حد سے گزر جانا
کہا اہل حرم نے روکے یوں اکبر کے لاشے پر
جواں ہونے کا شاید تم نے رکھا نام مر جانا
بقا میں تھا فنا کا مرتبہ حاصل شہیدوں کو
وہاں اس پر عمل تھا موت سے پہلے ہی مر جانا
نہ لیتے کام گر سبط بنی صبر و تحمل سے
لعینوں کا نگاہ خشم سے آساں تھا مر جانا
دکھائی جنگ میں صورت ادھر جا پہنچے وہ کوثر
یہ اصغر ہی کی تھی رفتار ادھر آنا ادھر جانا
یہاں کا زندہ رہنا موت سے بد تر سمجھتا ہوں
حیات جاوداں ہے کربلا میں جا کے مر جانا