फ़िक्र-ए-अस्बाब-ए-तरब ग़म के मुक़ाबिल हो गया
कुल्फ़त-ए-सब्र-आज़मा क्यूँकर मिरा दिल हो गया
ये जो हस्ती है तिरी ये हस्ती-ए-मौहूम है
देख कर दुनिया की नैरंगी को ग़ाफ़िल हो गया
हो गई मुश्ताक़ लज़्ज़त-हा-ए-हसरत मेरी आँख
और कान-ए-ना-उमीदी हैफ़ ये दिल हो गया
तेरे जल्वों की तमन्ना मेरे आँखों को रही
इक निशाना आलम-ए-हैरत का ये दिल हो गया
थी मताअ'-ए-जल्वा अर्ज़ां जबकि तू था जल्वा-गर
जब ख़याल-ए-ग़ैर आया दिल भी ग़ाफ़िल हो गया
जोशिश-ए-फ़स्ल-ए-बहारी थी जवानी यार की
देख कर मैं उस गुल-ए-रा'ना को माइल हो गया
किस तरह जल्वा नज़र आएगा तुझ को ऐ कलीम
दरमियाँ में जब हिजाब-ए-ग़ैर हाइल हो गया
मुद्दआ' महव-ए-तमाशा-ए-शिकस्त-ए-दिल हुआ
आईना-ख़ाने का इक जल्वा मुक़ाबिल हो गया
डूब कर गिर्दाब-ए-ग़म में हो गई हासिल नजात
मौजा-ए-सैलाब-ए-तूफ़ाँ मुझ को साहिल हो गया
परतव-ए-ख़ुर्शीद-ए-आलम-ताब इधर भी इक नज़र
देर क्या है अब तो मैं तेरे मुक़ाबिल हो गया
है मिरा सर ज़ेर-ए-बार-ए-मिन्नत-ए-बेदाद-ए-यार
उस के अल्ताफ़-ओ-इनायत का मैं क़ाएल हो गया
अपनी सूरत ही नज़र आई दुई का ज़िक्र क्या
'शाद' जिस दम आइने के मैं मुक़ाबिल हो गया
fikr-e-asbāb-e-tarab ġham ke muqābil ho gayā
kulfat-e-sabr-āzmā kyūñkar mirā dil ho gayā
ye jo hastī hai tirī ye hasti-e-mauhūm hai
dekh kar duniyā kī nairangī ko ġhāfil ho gayā
ho ga.ī mushtāq lazzat-hā-e-hasrat merī aañkh
aur kān-e-nā-umīdī haif ye dil ho gayā
tere jalvoñ kī tamanna mere āñkhoñ ko rahī
ik nishāna ālam-e-hairat kā ye dil ho gayā
thī matā.a-e-jalva arzāñ jabki tū thā jalva-gar
jab ḳhayāl-e-ġhair aayā dil bhī ġhāfil ho gayā
joshish-e-fasl-e-bahārī thī javānī yaar kī
dekh kar maiñ us gul-e-ra.anā ko maa.il ho gayā
kis tarah jalva nazar aa.egā tujh ko ai kalīm
darmiyāñ meñ jab hijāb-e-ġhair haa.il ho gayā
mudda.ā mahv-e-tamāshā-e-shikast-e-dil huā
ā.īna-ḳhāne kā ik jalva muqābil ho gayā
Duub kar girdāb-e-ġham meñ ho ga.ī hāsil najāt
mauja-e-sailāb-e-tūfāñ mujh ko sāhil ho gayā
partav-e-ḳhurshīd-e-ālam-tāb idhar bhī ik nazar
der kyā hai ab to maiñ tere muqābil ho gayā
hai mirā sar zer-e-bār-e-minnat-e-bedād-e-yār
us ke altāf-o-ināyat kā maiñ qaa.el ho gayā
apnī sūrat hī nazar aa.ī duī kā zikr kyā
'shād' jis dam aa.ine ke maiñ muqābil ho gayā
فکر اسباب طرب غم کے مقابل ہو گیا
کلفت صبر آزما کیوں کر مرا دل ہو گیا
یہ جو ہستی ہے تری یہ ہستئ موہوم ہے
دیکھ کر دنیا کی نیرنگی کو غافل ہو گیا
ہو گئی مشتاق لذت ہائے حسرت میری آنکھ
اور کان ناامیدی حیف یہ دل ہو گیا
تیرے جلووں کی تمنا میرے آنکھوں کو رہی
اک نشانہ عالم حیرت کا یہ دل ہو گیا
تھی متاع جلوہ ارزاں جبکہ تو تھا جلوہ گر
جب خیال غیر آیا دل بھی غافل ہو گیا
جوشش فصل بہاری تھی جوانی یار کی
دیکھ کر میں اس گل رعنا کو مائل ہو گیا
کس طرح جلوہ نظر آئے گا تجھ کو اے کلیم
درمیاں میں جب حجاب غیر حائل ہو گیا
مدعا محو تماشائے شکست دل ہوا
آئینہ خانے کا اک جلوہ مقابل ہو گیا
ڈوب کر گرداب غم میں ہو گئی حاصل نجات
موجۂ سیلاب طوفاں مجھ کو ساحل ہو گیا
پرتو خورشید عالم تاب ادھر بھی اک نظر
دیر کیا ہے اب تو میں تیرے مقابل ہو گیا
ہے مرا سر زیر بار منت بیداد یار
اس کے الطاف و عنایت کا میں قائل ہو گیا
اپنی صورت ہی نظر آئی دوئی کا ذکر کیا
شادؔ جس دم آئنہ کے میں مقابل ہو گیا