आरिज़-ए-गुल में झलक है शाह के रुख़्सार की
ये कोई तारीफ़ है इतने बड़े सरकार की
शाह की तारीफ़ का आली से आली हो बयाँ
ये तो वो तारीफ़ है जैसे किसी दिलदार की
मिदहत-ए-शह ऐसे लफ़्ज़ों में हो ये ज़ेबा नहीं
ज़ेब दे सरदार को वो मद्ह हो सरदार की
गर किसी को वस्फ़ करना है तो लाज़िम है उसे
अद्ल की मिदहत करे या बज़्ल या तलवार की
बंदा-पर्वर आदिल-ओ-बाज़िल शजीअ-ओ-दीं-पनाह
हैं ये तारीफ़ें हमारे रहम-दिल सरकार की
बंदा-पर्वर ऐसे हैं उन का कोई सानी नहीं
मुत्तफ़िक़ है सब दकन हाजत नहीं इज़हार की
अद्ल का मिस्ल-ए-दर-तौबा है दरवाज़ा खुला
कुछ ज़रूरत ही नहीं इज़हार की तकरार की
शेर बकरी मिल के पानी पीते हैं इक घाट अब
ये हक़ीक़ी वस्फ़ है मिदहत है इस सरकार की
इस तरह के हैं सख़ी क़तरे को दरिया कर दिया
हो सके क्या मिदहत उन के दस्त-ए-दरिया-बार की
बे-तअ'स्सुब ऐसे जैसे आइना है बे-ग़ुबार
हो गई है रिश्ता-दारी सुब्हा-ओ-ज़ुन्नार की
'शाद' मेरे शाह को रक्खे हमेशा किर्दगार
उम्र-ओ-अज़्मत हो फ़ुज़ूँ या-रब मिरे सरकार की
āriz-e-gul meñ jhalak hai shaah ke ruḳhsār kī
ye koī tārīf hai itne baḌe sarkār kī
shaah kī tārīf kā aalī se aalī ho bayāñ
ye to vo tārīf hai jaise kisī dildār kī
mid.hat-e-shah aise lafzoñ meñ ho ye zebā nahīñ
zeb de sardār ko vo mad.h ho sardār kī
gar kisī ko vasf karnā hai to lāzim hai use
adl kī mid.hat kare yā bazl yā talvār kī
banda-parvar ādil-o-bāzil shajī.a-o-dīñ-panāh
haiñ ye tārīfeñ hamāre rahm-dil sarkār kī
banda-parvar aise haiñ un kā koī saanī nahīñ
muttafiq hai sab dakan hājat nahīñ iz.hār kī
adl kā misl-e-dar-e-tauba hai darvāza khulā
kuchh zarūrat hī nahīñ iz.hār kī takrār kī
sher bakrī mil ke paanī piite haiñ ik ghaaT ab
ye haqīqī vasf hai mid.hat hai is sarkār kī
is tarah ke haiñ saḳhī qatre ko dariyā kar diyā
ho sake kyā mid.hat un ke dast-e-dariyā-bār kī
be-ta.assub aise jaise aa.ina hai be-ġhubār
ho ga.ī hai rishta-dārī sub.ha-o-zunnār kī
'shād' mere shaah ko rakkhe hamesha kirdgār
umr-o-azmat ho fuzūñ yā-rab mire sarkār kī
عارض گل میں جھلک ہے شاہ کے رخسار کی
یہ کوئی تعریف ہے اتنے بڑے سرکار کی
شاہ کی تعریف کا عالی سے عالی ہو بیاں
یہ تو وہ تعریف ہے جیسے کسی دل دار کی
مدحت شہہ ایسے لفظوں میں ہو یہ زیبا نہیں
زیب دے سردار کو وہ مدح ہو سردار کی
گر کسی کو وصف کرنا ہے تو لازم ہے اسے
عدل کی مدحت کرے یا بذل یا تلوار کی
بندہ پرور عادل و باذل شجیع و دیں پناہ
ہیں یہ تعریفیں ہمارے رحم دل سرکار کی
بندہ پرور ایسے ہیں ان کا کوئی ثانی نہیں
متفق ہے سب دکن حاجت نہیں اظہار کی
عدل کا مثل در توبہ ہے دروازہ کھلا
کچھ ضرورت ہی نہیں اظہار کی تکرار کی
شیر بکری مل کے پانی پیتے ہیں اک گھاٹ اب
یہ حقیقی وصف ہے مدحت ہے اس سرکار کی
اس طرح کے ہیں سخی قطرے کو دریا کر دیا
ہو سکے کیا مدحت ان کے دست دریا بار کی
بے تعصب ایسے جیسے آئنہ ہے بے غبار
ہو گئی ہے رشتہ داری سبحہ و زنار کی
شادؔ میرے شاہ کو رکھے ہمیشہ کردگار
عمر و عظمت ہو فزوں یا رب مرے سرکار کی