वफ़ा-केश-ओ-वफ़ा-ना-आश्ना क्या
मोहब्बत में बलाओं का गिला क्या
यही दो एक नग़्मे वो भी बे-सौत
शिकस्ता-साज़ हूँ मेरी सदा क्या
न देखें वो हमारे दिल की मय्यत
दिल-ए-मरहूम का अब ख़ूँ-बहा क्या
अदावत बिजलियों की मोल ले ली
चमन में दो-घड़ी को मैं हँसा क्या
ये अक़्ल-ओ-आगही के ख़ाम दा'वे
कभी सोचा भी ये तू ने कि था क्या
फ़क़त इक ज़ेर-ए-लब मुबहम तबस्सुम
हमारी आरज़ू क्या मुद्दआ' क्या
वफ़ाएँ ऐन ईमान-ए-मोहब्बत
मोहब्बत में वफ़ाओं का सिला क्या
शनावर के लिए गिर्दाब साहिल
ग़म-ए-बे-चारगी-ए-नाख़ुदा क्या
तिरा परतव है जिस को हुस्न कह दें
मुक़ाबिल हो तिरे है दूसरा क्या
मोहब्बत की ये वो मंज़िल है जिस में
दवा-ए-दर्द-ओ-दर्द-ए-ला-दवा क्या
ज़माने-भर ने नज़रें फेर ली हैं
हुए हो तुम बस इक हम से ख़फ़ा क्या
मुझे सारी ख़ुदाई मिल गई है
दिया है तुम ने दर्द-ए-ला-दवा क्या
जो सर-मस्ती है इन आँखों में पिन्हाँ
'जलील' इस दुख़्त-ए-रज़ में वो मज़ा क्या
vafā-kesh-o-vafā-nā-āshnā kyā
mohabbat meñ balāoñ kā gila kyā
yahī do ek naġhme vo bhī be-saut
shikasta-sāz huuñ merī sadā kyā
na dekheñ vo hamāre dil kī mayyat
dil-e-marhūm kā ab ḳhūñ-bahā kyā
adāvat bijliyoñ kī mol le lī
chaman meñ do-ghaḌī ko maiñ hañsā kyā
ye aql-o-āgahī ke ḳhaam da.ave
kabhī sochā bhī ye tū ne ki thā kyā
faqat ik zer-e-lab mub.ham tabassum
hamārī aarzū kyā mudda.ā kyā
vafā.eñ ain īmān-e-mohabbat
mohabbat meñ vafāoñ kā sila kyā
shanāvar ke liye girdāb sāhil
ġham-e-be-chārgī-e-nāḳhudā kyā
tirā partav hai jis ko husn kah deñ
muqābil ho tire hai dūsrā kyā
mohabbat kī ye vo manzil hai jis meñ
davā-e-dard-o-dard-e-lā-davā kyā
zamāne-bhar ne nazreñ pher lī haiñ
hue ho tum bas ik ham se ḳhafā kyā
mujhe saarī ḳhudā.ī mil ga.ī hai
diyā hai tum ne dard-e-lā-davā kyā
jo sar-mastī hai in āñkhoñ meñ pinhāñ
'jalīl' is duḳht-e-raz meñ vo mazā kyā
وفا کیش و وفا نا آشنا کیا
محبت میں بلاؤں کا گلہ کیا
یہی دو ایک نغمے وہ بھی بے صوت
شکستہ ساز ہوں میری صدا کیا
نہ دیکھیں وہ ہمارے دل کی میت
دل مرحوم کا اب خوں بہا کیا
عداوت بجلیوں کی مول لے لی
چمن میں دو گھڑی کو میں ہنسا کیا
یہ عقل و آگہی کے خام دعوے
کبھی سوچا بھی یہ تو نے کہ تھا کیا
فقط اک زیر لب مبہم تبسم
ہماری آرزو کیا مدعا کیا
وفائیں عین ایمان محبت
محبت میں وفاؤں کا صلہ کیا
شناور کے لئے گرداب ساحل
غم بے چارگیٔ ناخدا کیا
ترا پرتو ہے جس کو حسن کہہ دیں
مقابل ہو ترے ہے دوسرا کیا
محبت کی یہ وہ منزل ہے جس میں
دوائے درد و درد لا دوا کیا
زمانے بھر نے نظریں پھیر لی ہیں
ہوئے ہو تم بس اک ہم سے خفا کیا
مجھے ساری خدائی مل گئی ہے
دیا ہے تم نے درد لا دوا کیا
جو سر مستی ہے ان آنکھوں میں پنہاں
جلیلؔ اس دخت رز میں وہ مزا کیا