वाँ तबीअत दम-ए-तक़रीर बिगड़ जाती है
बात की बात में तौक़ीर बिगड़ जाती है
चौंक पड़ता हूँ ख़ुशी से जो वो आ जाते हैं
ख़्वाब में ख़्वाब की ताबीर बिगड़ जाती है
कुछ वो पढ़ने में उलझते हैं मिरा नामा-ए-शौक़
कुछ इबारत दम-ए-तहरीर बिगड़ जाती है
चारा-गर क्या मिरी वहशत से जुनूँ भी है ब-तंग
रोज़ मुझ से मिरी ज़ंजीर बिगड़ जाती है
दाग़-ए-उल्फ़त वो बुरी शय है कि कहने से 'ज़हीर'
महर-ओ-महताब की तनवीर बिगड़ जाती है
vaañ tabī.at dam-e-taqrīr bigaḌ jaatī hai
baat kī baat meñ tauqīr bigaḌ jaatī hai
chauñk paḌtā huuñ ḳhushī se jo vo aa jaate haiñ
ḳhvāb meñ ḳhvāb kī ta.abīr bigaḌ jaatī hai
kuchh vo paḌhne meñ ulajhte haiñ mirā nāma-e-shauq
kuchh ibārat dam-e-tahrīr bigaḌ jaatī hai
chāra-gar kyā mirī vahshat se junūñ bhī hai ba-tañg
roz mujh se mirī zanjīr bigaḌ jaatī hai
dāġh-e-ulfat vo burī shai hai ki kahne se 'zahīr'
mahr-o-mahtāb kī tanvīr bigaḌ jaatī hai
واں طبیعت دم تقریر بگڑ جاتی ہے
بات کی بات میں توقیر بگڑ جاتی ہے
چونک پڑتا ہوں خوشی سے جو وہ آ جاتے ہیں
خواب میں خواب کی تعبیر بگڑ جاتی ہے
کچھ وہ پڑھنے میں الجھتے ہیں مرا نامۂ شوق
کچھ عبارت دم تحریر بگڑ جاتی ہے
چارہ گر کیا مری وحشت سے جنوں بھی ہے بتنگ
روز مجھ سے مری زنجیر بگڑ جاتی ہے
داغ الفت وہ بری شے ہے کہ کہنے سے ظہیرؔ
مہر و مہتاب کی تنویر بگڑ جاتی ہے