बज़्म-ए-दुश्मन में जा के देख लिया
ले तुझे आज़मा के देख लिया
तुम ने मुझ को सता के देख लिया
हर तरह आज़मा के देख लिया
उन के दिल की कुदूरतें न मिटीं
अपनी हस्ती मिटा के देख लिया
कुछ नहीं कुछ नहीं मोहब्बत में
ख़ूब जी को जला के देख लिया
कुछ नहीं जुज़ ग़ुबार-ए-कीन-ओ-इनाद
हम ने दिल में समा के देख लिया
न मिले वो किसी तरह न मिले
ग़ैर को भी मिला के देख लिया
क्या मिला नाला ओ फ़ुग़ाँ से 'ज़हीर'
हश्र सर पर उठा के देख लिया
bazm-e-dushman meñ jā ke dekh liyā
le tujhe aazmā ke dekh liyā
tum ne mujh ko satā ke dekh liyā
har tarah aazmā ke dekh liyā
un ke dil kī kudūrateñ na miTīñ
apnī hastī miTā ke dekh liyā
kuchh nahīñ kuchh nahīñ mohabbat meñ
ḳhuub jī ko jalā ke dekh liyā
kuchh nahīñ juz ġhubār-e-kīn-o-inād
ham ne dil meñ samā ke dekh liyā
na mile vo kisī tarah na mile
ġhair ko bhī milā ke dekh liyā
kyā milā naala o fuġhāñ se 'zahīr'
hashr sar par uThā ke dekh liyā
بزم دشمن میں جا کے دیکھ لیا
لے تجھے آزما کے دیکھ لیا
تم نے مجھ کو ستا کے دیکھ لیا
ہر طرح آزما کے دیکھ لیا
ان کے دل کی کدورتیں نہ مٹیں
اپنی ہستی مٹا کے دیکھ لیا
کچھ نہیں کچھ نہیں محبت میں
خوب جی کو جلا کے دیکھ لیا
کچھ نہیں جز غبار کین و عناد
ہم نے دل میں سما کے دیکھ لیا
نہ ملے وہ کسی طرح نہ ملے
غیر کو بھی ملا کے دیکھ لیا
کیا ملا نالہ و فغاں سے ظہیرؔ
حشر سر پر اٹھا کے دیکھ لیا