उठो अब देर होती है वहाँ चल कर सँवर जाना
यक़ीनी है घड़ी दो में मरीज़-ए-ग़म का मर जाना
मुझे डर है गुलों के बोझ से मरक़द न दब जाए
उन्हें आदत है जब आना ज़रूर एहसान धर जाना
हबाब आ सामने सब वलवले जोश-ए-जवानी के
ग़ज़ब था क़ुल्ज़ुम-ए-उम्मीद का चढ़ कर उतर जाना
यहाँ जुज़ कश्ती-ए-मौज-ए-बला कुछ भी न पाओगे
इसी के आसरे दरिया-ए-हस्ती से उतर जाना
मबादा फिर असीर-ए-दाम-ए-अक़्ल-ओ-होश हो जाऊँ
जुनूँ का इस तरह अच्छा नहीं हद से गुज़र जाना
'हफ़ीज़' आग़ाज़ से अंजाम तक रहज़न ने पहुँचाया
उसी को हम-सफ़र पाया उसी को हम-सफ़र जाना
uTho ab der hotī hai vahāñ chal kar sañvar jaanā
yaqīnī hai ghaḌī do meñ marīz-e-ġham kā mar jaanā
mujhe Dar hai guloñ ke bojh se marqad na dab jaa.e
unheñ aadat hai jab aanā zarūr ehsān dhar jaanā
habāb aa sāmne sab valvale josh-e-javānī ke
ġhazab thā qulzum-e-ummīd kā chaḌh kar utar jaanā
yahāñ juz kashtī-e-mauj-e-balā kuchh bhī na pāoge
isī ke āsare dariyā-e-hastī se utar jaanā
mabādā phir asīr-e-dām-e-aql-o-hosh ho jā.ūñ
junūñ kā is tarah achchhā nahīñ had se guzar jaanā
'hafīz' āġhāz se anjām tak rahzan ne pahuñchāyā
usī ko ham-safar paayā usī ko ham-safar jaanā
اٹھو اب دیر ہوتی ہے وہاں چل کر سنور جانا
یقینی ہے گھڑی دو میں مریض غم کا مر جانا
مجھے ڈر ہے گلوں کے بوجھ سے مرقد نہ دب جائے
انہیں عادت ہے جب آنا ضرور احسان دھر جانا
حباب آ سامنے سب ولولے جوش جوانی کے
غضب تھا قلزم امید کا چڑھ کر اتر جانا
یہاں جز کشتیٔ موج بلا کچھ بھی نہ پاؤ گے
اسی کے آسرے دریائے ہستی سے اتر جانا
مبادا پھر اسیر دام عقل و ہوش ہو جاؤں
جنوں کا اس طرح اچھا نہیں حد سے گزر جانا
حفیظؔ آغاز سے انجام تک رہزن نے پہنچایا
اسی کو ہم سفر پایا اسی کو ہم سفر جانا