उस की सूरत का तसव्वुर दिल में जब लाते हैं हम
ख़ुद-ब-ख़ुद अपने से हमदम आप घबराते हैं हम
होश गर रहता हो तुझ को हम से पोशीदा न रख
जब वो याँ आता है ऐ दिल तब कहाँ जाते हैं हम
बैठे बैठे क्यूँ यकायक हाए दिल खोया गया
हमदम इस का कुछ सबब ढूँडे नहीं पाते हैं हम
ख़ुद-ब-ख़ुद कल शब को वो बोले उठा मुँह से नक़ाब
जो न देखा हो किसी ने मुझ को, दिखलाते हैं हम
बे-सबब हो कर ख़फ़ा जब कुछ सुनाता है वो शोख़
जी ही जी में अपने ऊपर हाए झुँझलाते हैं हम
शाम को साक़ी कभी आता है गर तेरा ख़याल
सुब्ह तक भी होश में अपने नहीं आते हैं हम
हम ने ग़म क्या ख़ाक खाया ग़म ने हम को खा लिया
लोग ऐ हमदम समझते हैं कि ग़म खाते हैं हम
जाम ले कर मुझ से वो कहता है अपने मुँह को फेर
रू-ब-रू यूँ तेरे मय पीने से शरमाते हैं हम
जो कलाम-ए-'इश्क़ ये हरगिज़ समझता ही नहीं
दिल को सौ सौ तरह 'ग़मगीं' हाए समझाते हैं हम
us kī sūrat kā tasavvur dil meñ jab laate haiñ ham
ḳhud-ba-ḳhud apne se hamdam aap ghabrāte haiñ ham
hosh gar rahtā ho tujh ko ham se poshīda na rakh
jab vo yaañ aatā hai ai dil tab kahāñ jaate haiñ ham
baiThe baiThe kyuuñ yakāyak haa.e dil khoyā gayā
hamdam is kā kuchh sabab DhūñDe nahīñ paate haiñ ham
ḳhud-ba-ḳhud kal shab ko vo bole uThā muñh se naqāb
jo na dekhā ho kisī ne mujh ko, dikhlāte haiñ ham
be-sabab ho kar ḳhafā jab kuchh sunātā hai vo shoḳh
jī hī jī meñ apne uupar haa.e jhuñjhlāte haiñ ham
shaam ko saaqī kabhī aatā hai gar terā ḳhayāl
sub.h tak bhī hosh meñ apne nahīñ aate haiñ ham
ham ne ġham kyā ḳhaak khāyā ġham ne ham ko khā liyā
log ai hamdam samajhte haiñ ki ġham khāte haiñ ham
jaam le kar mujh se vo kahtā hai apne muñh ko pher
rū-ba-rū yuuñ tere mai piine se sharmāte haiñ ham
jo kalām-e-'ishq ye hargiz samajhtā hī nahīñ
dil ko sau sau tarah 'ġhamgīñ' haa.e samjhāte haiñ ham
اس کی صورت کا تصور دل میں جب لاتے ہیں ہم
خود بہ خود اپنے سے ہمدم آپ گھبراتے ہیں ہم
ہوش گر رہتا ہو تجھ کو ہم سے پوشیدہ نہ رکھ
جب وہ یاں آتا ہے اے دل تب کہاں جاتے ہیں ہم
بیٹھے بیٹھے کیوں یکایک ہائے دل کھویا گیا
ہمدم اس کا کچھ سبب ڈھونڈے نہیں پاتے ہیں ہم
خود بہ خود کل شب کو وہ بولے اٹھا منہ سے نقاب
جو نہ دیکھا ہو کسی نے مجھ کو، دکھلاتے ہیں ہم
بے سبب ہو کر خفا جب کچھ سناتا ہے وہ شوخ
جی ہی جی میں اپنے اوپر ہائے جھنجھلاتے ہیں ہم
شام کو ساقی کبھی آتا ہے گر تیرا خیال
صبح تک بھی ہوش میں اپنے نہیں آتے ہیں ہم
ہم نے غم کیا خاک کھایا غم نے ہم کو کھا لیا
لوگ اے ہمدم سمجھتے ہیں کہ غم کھاتے ہیں ہم
جام لے کر مجھ سے وہ کہتا ہے اپنے منہ کو پھیر
رو بہ رو یوں تیرے مے پینے سے شرماتے ہیں ہم
جو کلام عشق یہ ہرگز سمجھتا ہی نہیں
دل کو سو سو طرح غمگیںؔ ہائے سمجھاتے ہیں ہم