न पूछ हिज्र में जो हाल अब हमारा है
उमीद-ए-वस्ल ही पर इन दिनों गुज़ारा है
न देखूँ तुझ को तो आता नहीं कुछ आह नज़र
तू मेरी पुतली का आँखों की यार तारा है
मुझे जो बाम पे शब को बुलाए है वो माह
मगर उरूज पे क्या इन दिनों सितारा है
यक़ीन जान तू वाइज़ कि दीन ओ दुनिया में
बस उस की सिर्फ़ मुझे ज़ात का सहारा है
अजब तरह से नज़र पड़ गया मिरे हमदम
क़यामत आह वो मुखड़ा भी प्यारा प्यारा है
मुझे जो दोस्ती है उस को दुश्मनी मुझ से
न इख़्तियार है उस का न मेरा चारा है
कहा जो मैं ने पिलाते हो बज़्म में सब को
मगर हमें ही नहीं क्या गुनह हमारा है
तो बोले वो कि जिसे चाहें हम पिलाएँ शराब
ख़ुशी हमारी तिरा इस में क्या इजारा है
गया वो पर्दा-नशीं जब से अपने घर 'ग़मगीं'
तमाम ख़ल्क़ से दिल को मिरे किनारा है
na pūchh hijr meñ jo haal ab hamārā hai
umīd-e-vasl hī par in dinoñ guzārā hai
na dekhūñ tujh ko to aatā nahīñ kuchh aah nazar
tū merī putlī kā āñkhoñ kī yaar taarā hai
mujhe jo baam pe shab ko bulā.e hai vo maah
magar uruuj pe kyā in dinoñ sitārā hai
yaqīn jaan tū vaa.iz ki diin o duniyā meñ
bas us kī sirf mujhe zaat kā sahārā hai
ajab tarah se nazar paḌ gayā mire hamdam
qayāmat aah vo mukhḌā bhī pyārā pyārā hai
mujhe jo dostī hai us ko dushmanī mujh se
na iḳhtiyār hai us kā na merā chārā hai
kahā jo maiñ ne pilāte ho bazm meñ sab ko
magar hameñ hī nahīñ kyā gunah hamārā hai
to bole vo ki jise chāheñ ham pilā.eñ sharāb
ḳhushī hamārī tirā is meñ kyā ijārā hai
gayā vo parda-nashīñ jab se apne ghar 'ġhamgīñ'
tamām ḳhalq se dil ko mire kinārā hai
نہ پوچھ ہجر میں جو حال اب ہمارا ہے
امید وصل ہی پر ان دنوں گزارا ہے
نہ دیکھوں تجھ کو تو آتا نہیں کچھ آہ نظر
تو میری پتلی کا آنکھوں کی یار تارا ہے
مجھے جو بام پہ شب کو بلائے ہے وہ ماہ
مگر عروج پہ کیا ان دنوں ستارا ہے
یقین جان تو واعظ کہ دین و دنیا میں
بس اس کی صرف مجھے ذات کا سہارا ہے
عجب طرح سے نظر پڑ گیا مرے ہمدم
قیامت آہ وہ مکھڑا بھی پیارا پیارا ہے
مجھے جو دوستی ہے اس کو دشمنی مجھ سے
نہ اختیار ہے اس کا نہ میرا چارا ہے
کہا جو میں نے پلاتے ہو بزم میں سب کو
مگر ہمیں ہی نہیں کیا گنہ ہمارا ہے
تو بولے وہ کہ جسے چاہیں ہم پلائیں شراب
خوشی ہماری ترا اس میں کیا اجارا ہے
گیا وہ پردہ نشیں جب سے اپنے گھر غمگیںؔ
تمام خلق سے دل کو مرے کنارا ہے