जो न वहम-ओ-गुमान में आवे
किस तरह तेरे ध्यान में आवे
तुझ से हमदम रखूँ न पोशीदा
हाल-ए-दिल गर बयान में आवे
मेरी ये आरज़ू है वक़्त-ए-मर्ग
उस की आवाज़ कान में आवे
मैं न दूँगा जवाब तू कह ले
जो कि तेरी ज़बान में आवे
ये शब-ए-वस्ल ख़ैर से गुज़रे
तो मिरी जान जान में आवे
हाए क्या हो अभी जो ऐ हमदम
वो सनम इस मकान में आवे
गर खुले चश्म-ए-दिल तो तुझ को नज़र
वो ही सारे जहान में आवे
उस की तारीफ़ क्या करूँ 'ग़मगीं'
हल-अता जिस की शान में आवे
jo na vahm-o-gumān meñ aave
kis tarah tere dhyān meñ aave
tujh se hamdam rakhūñ na poshīda
hāl-e-dil gar bayān meñ aave
merī ye aarzū hai vaqt-e-marg
us kī āvāz kaan meñ aave
maiñ na dūñgā javāb tū kah le
jo ki terī zabān meñ aave
ye shab-e-vasl ḳhair se guzre
to mirī jaan jaan meñ aave
haa.e kyā ho abhī jo ai hamdam
vo sanam is makān meñ aave
gar khule chashm-e-dil to tujh ko nazar
vo hī saare jahān meñ aave
us kī tārīf kyā karūñ 'ġhamgīñ'
hal-atā jis kī shaan meñ aave
جو نہ وہم و گمان میں آوے
کس طرح تیرے دھیان میں آوے
تجھ سے ہمدم رکھوں نہ پوشیدہ
حال دل گر بیان میں آوے
میری یہ آرزو ہے وقت مرگ
اس کی آواز کان میں آوے
میں نہ دوں گا جواب تو کہہ لے
جو کہ تیری زبان میں آوے
یہ شب وصل خیر سے گزرے
تو مری جان جان میں آوے
ہائے کیا ہو ابھی جو اے ہمدم
وہ صنم اس مکان میں آوے
گر کھلے چشم دل تو تجھ کو نظر
وہ ہی سارے جہان میں آوے
اس کی تعریف کیا کروں غمگیںؔ
ہل اتیٰ جس کی شان میں آوے