मुझ से आज़ुर्दा जो उस गुल-रू को अब पाते हैं लोग
और ही रंगत से कुछ कुछ आ के फ़रमाते हैं लोग
जब से जाना बंद मेरा हो गया ऐ हमदमो
तब से उन के घर में हर हर तरह के आते हैं लोग
मेरे आह-ए-सर्द की तासीर उस के दिल में देख
हाए किस किस तरह मुझ पर उस को गर्माते हैं लोग
जब वो घबराते थे मुझ से तब थे उन के घर के ख़ुश
अब जो वो ख़ुश हैं तो उन के घर के घबराते हैं लोग
कोई समझाओ उन्हें बहर-ए-ख़ुदा ऐ मोमिनो
उस सनम के इश्क़ में जो मुझ को समझाते हैं लोग
रोज़-ए-हिज्राँ तो दिखाया सौ फ़रेबों से मुझे
देखिए अब और क्या क्या हाए दिखलाते हैं लोग
जो लगाते थे बुझाते थे हमेशा उन से आह
वो ही अब नाचार 'ग़मगीं' मुझ से शरमाते हैं लोग
mujh se āzurda jo us gul-rū ko ab paate haiñ log
aur hī rañgat se kuchh kuchh aa ke farmāte haiñ log
jab se jaanā band merā ho gayā ai hamdamo
tab se un ke ghar meñ har har tarah ke aate haiñ log
mere āh-e-sard kī tāsīr us ke dil meñ dekh
haa.e kis kis tarah mujh par us ko garmāte haiñ log
jab vo ghabrāte the mujh se tab the un ke ghar ke ḳhush
ab jo vo ḳhush haiñ to un ke ghar ke ghabrāte haiñ log
koī samjhāo unheñ bahr-e-ḳhudā ai momino
us sanam ke ishq meñ jo mujh ko samjhāte haiñ log
roz-e-hijrāñ to dikhāyā sau fareboñ se mujhe
dekhiye ab aur kyā kyā haa.e dikhlāte haiñ log
jo lagāte the bujhāte the hamesha un se aah
vo hī ab nā-chār 'ġhamgīñ' mujh se sharmāte haiñ log
مجھ سے آزردہ جو اس گل رو کو اب پاتے ہیں لوگ
اور ہی رنگت سے کچھ کچھ آ کے فرماتے ہیں لوگ
جب سے جانا بند میرا ہو گیا اے ہمدمو
تب سے ان کے گھر میں ہر ہر طرح کے آتے ہیں لوگ
میرے آہ سرد کی تاثیر اس کے دل میں دیکھ
ہائے کس کس طرح مجھ پر اس کو گرماتے ہیں لوگ
جب وہ گھبراتے تھے مجھ سے تب تھے ان کے گھر کے خوش
اب جو وہ خوش ہیں تو ان کے گھر کے گھبراتے ہیں لوگ
کوئی سمجھاؤ انہیں بہر خدا اے مومنو
اس صنم کے عشق میں جو مجھ کو سمجھاتے ہیں لوگ
روز ہجراں تو دکھایا سو فریبوں سے مجھے
دیکھیے اب اور کیا کیا ہائے دکھلاتے ہیں لوگ
جو لگاتے تھے بجھاتے تھے ہمیشہ ان سے آہ
وہ ہی اب ناچار غمگیںؔ مجھ سے شرماتے ہیں لوگ