उन्स है ख़ाना-ए-सय्याद से गुलशन कैसा
नाज़-पर्वर्द-ए-क़फ़स हूँ मैं नशेमन कैसा
हम वो 'उर्यां हैं कि वाक़िफ़ नहीं ऐ जोश-ए-जुनूँ
नाम किस शय का गरेबान है दामन कैसा
अपनी आज़ुर्दा-दिली बा'द-ए-फ़ना काम आई
ढेर यहाँ गर्द-ए-कुदूरत के हैं मदफ़न कैसा
कह दिया बस कि तिरी आह में तासीर नहीं
ये न देखा कि ये सीना में है रौज़न कैसा
छुट के उस फूल से बर्बाद पड़े फिरते हैं
हम तो अब ताइर-ए-निगहत हैं नशेमन कैसा
दिल उसे दे के चले मुल्क-ए-'अदम को बे-ख़ौफ़
माल रखते नहीं अंदेशा-ए-रहज़न कैसा
दिल-ए-बेताब की है सीना-ए-सोज़ाँ में सदा
अस्ल पारा की है क्या दाना-ए-गुलख़न कैसा
था कभी दौर-ए-असीरान-ए-क़फ़स ऐ सय्याद
अब तो इक फूल की मुहताज हैं गुलशन कैसा
चार दिन में ये ज़माना भी गुज़र जाएगा
अभी रोएँगे जवानी को लड़कपन कैसा
सख़्त-जाँ हैं तिरी तलवार से क्या ख़ौफ़ हमें
सख़्ती-ए-मर्ग से दबते नहीं आहन कैसा
जल गए सूरत-ए-परवाना तब 'इश्क़ से हम
फेंक दे लाश उठा कर कोई मदफ़न कैसा
एक दिन अबलक़-ए-अय्याम करेगा पामाल
मुझ से रह रह के बिगड़ता है ये तौसन कैसा
'इश्क़ से काम न था हुस्न की पर्वा भी न थी
याद आता है जवानी में लड़कपन कैसा
खेलते हो दिल-ए-बेताब से फूलों की तरह
और होता है मिरी जान लड़कपन कैसा
शम' से आप के सोज़ाँ ये सुना करते हैं
कोई मुहताज-ए-कफ़न भी न हो मदफ़न कैसा
चाहता हूँ कोई देखे न तेरी तेग़ के ज़ख़्म
चश्म-ए-जर्राह है क्या दीदा-ए-सोज़न कैसा
नक़्श-ए-पा हैं हवस-ए-नाम-ओ-निशाँ ख़ाक नहीं
हम तो उठने के लिए बैठे हैं मस्कन कैसा
आँधियाँ गर्म जो चलती हैं मिरी आहों से
मुँह छुपाता है चराग़-ए-तह-ए-दामन कैसा
सीना अपना है हमारा दिल-ए-सोज़ाँ अपना
शम-ए-फ़ानूस ओ चराग़-ए-तह-ए-दामन कैसा
दूर जब से सिफ़त-ए-बर्ग-ए-ख़िज़ाँ-दीदा है
याद आता है शब-ओ-रोज़ वो गुलशन कैसा
uns hai ḳhāna-e-sayyād se gulshan kaisā
nāz-parvard-e-qafas huuñ maiñ nasheman kaisā
ham vo 'uryāñ haiñ ki vāqif nahīñ ai josh-e-junūñ
naam kis shai kā garebān hai dāman kaisā
apnī āzurda-dilī bā'd-e-fanā kaam aa.ī
Dher yahāñ gard-e-kudūrat ke haiñ madfan kaisā
kah diyā bas ki tirī aah meñ tāsīr nahīñ
ye na dekhā ki ye siina meñ hai rauzan kaisā
chhuT ke us phuul se barbād paḌe phirte haiñ
ham to ab tā.ir-e-nig.hat haiñ nasheman kaisā
dil use de ke chale mulk-e-'adam ko be-ḳhauf
maal rakhte nahīñ andesha-e-rahzan kaisā
dil-e-betāb kī hai sīna-e-sozāñ meñ sadā
asl paara kī hai kyā dāna-e-gulḳhan kaisā
thā kabhī daur-e-asīrān-e-qafas ai sayyād
ab to ik phuul kī muhtāj haiñ gulshan kaisā
chaar din meñ ye zamāna bhī guzar jā.egā
abhī ro.eñge javānī ko laḌakpan kaisā
saḳht-jāñ haiñ tirī talvār se kyā ḳhauf hameñ
saḳhtī-e-marg se dabte nahīñ aahan kaisā
jal ga.e sūrat-e-parvāna tab 'ishq se ham
pheñk de laash uThā kar koī madfan kaisā
ek din ablaq-e-ayyām karegā pāmāl
mujh se rah rah ke bigaḌtā hai ye tausan kaisā
'ishq se kaam na thā husn kī parvā bhī na thī
yaad aatā hai javānī meñ laḌakpan kaisā
khelte ho dil-e-betāb se phūloñ kī tarah
aur hotā hai mirī jaan laḌakpan kaisā
sham' se aap ke sozāñ ye sunā karte haiñ
koī muhtāj-e-kafan bhī na ho madfan kaisā
chāhtā huuñ koī dekhe na terī teġh ke zaḳhm
chashm-e-jarrāh hai kyā dīda-e-sozan kaisā
naqsh-e-pā haiñ havas-e-nām-o-nishāñ ḳhaak nahīñ
ham to uThne ke liye baiThe haiñ maskan kaisā
āñdhiyāñ garm jo chaltī haiñ mirī aahoñ se
muñh chhupātā hai charāġh-e-tah-e-dāman kaisā
siina apnā hai hamārā dil-e-sozāñ apnā
sham-e-fānūs o charāġh-e-tah-e-dāman kaisā
duur jab se sifat-e-barg-e-ḳhizāñ-dīda hai
yaad aatā hai shab-o-roz vo gulshan kaisā
انس ہے خانۂ صیاد سے گلشن کیسا
ناز پرورد قفس ہوں میں نشیمن کیسا
ہم وہ عریاں ہیں کہ واقف نہیں اے جوش جنوں
نام کس شے کا گریبان ہے دامن کیسا
اپنی آزردہ دلی بعد فنا کام آئی
ڈھیر یہاں گرد کدورت کے ہیں مدفن کیسا
کہہ دیا بس کہ تری آہ میں تاثیر نہیں
یہ نہ دیکھا کہ یہ سینہ میں ہے روزن کیسا
چھٹ کے اس پھول سے برباد پڑے پھرتے ہیں
ہم تو اب طائر نگہت ہیں نشیمن کیسا
دل اسے دے کے چلے ملک عدم کو بے خوف
مال رکھتے نہیں اندیشۂ رہزن کیسا
دل بے تاب کی ہے سینۂ سوزاں میں صدا
اصل پارہ کی ہے کیا دانۂ گل خن کیسا
تھا کبھی دور اسیران قفس اے صیاد
اب تو اک پھول کی محتاج ہیں گلشن کیسا
چار دن میں یہ زمانہ بھی گزر جائے گا
ابھی روئیں گے جوانی کو لڑکپن کیسا
سخت جاں ہیں تری تلوار سے کیا خوف ہمیں
سختیٔ مرگ سے دبتے نہیں آہن کیسا
جل گئے صورت پروانہ تب عشق سے ہم
پھینک دے لاش اٹھا کر کوئی مدفن کیسا
ایک دن ابلق ایام کرے گا پامال
مجھ سے رہ رہ کے بگڑتا ہے یہ توسن کیسا
عشق سے کام نہ تھا حسن کی پروا بھی نہ تھی
یاد آتا ہے جوانی میں لڑکپن کیسا
کھیلتے ہو دل بے تاب سے پھولوں کی طرح
اور ہوتا ہے مری جان لڑکپن کیسا
شمع سے آپ کے سوزاں یہ سنا کرتے ہیں
کوئی محتاج کفن بھی نہ ہو مدفن کیسا
چاہتا ہوں کوئی دیکھے نہ تیری تیغ کے زخم
چشم جراح ہے کیا دیدۂ سوزن کیسا
نقش پا ہیں ہوس نام و نشاں خاک نہیں
ہم تو اٹھنے کے لیے بیٹھے ہیں مسکن کیسا
آندھیاں گرم جو چلتی ہیں مری آہوں سے
منہ چھپاتا ہے چراغ تہ دامن کیسا
سینہ اپنا ہے ہمارا دل سوزاں اپنا
شمع فانوس و چراغ تہ دامن کیسا
دور جب سے صفت برگ خزاں دیدہ ہے
یاد آتا ہے شب و روز وہ گلشن کیسا