अपनी फ़रहत के दिन ऐ यार चले आते हैं
कैफ़ियत पर गुल-ए-रुख़्सार चले आते हैं
पड़ गई क्या निगह-ए-मस्त तिरे साक़ी की
लड़खड़ाते हुए मय-ख़्वार चले आते हैं
याद कीं नश्शा में डूबी हुई आँखें किस की
ग़श तुझे ऐ दिल-ए-बीमार चले आते हैं
राह में साहिब-ए-इक्सीर खड़े हैं मुश्ताक़
ख़ाकसारान-ए-दर-ए-यार चले आते हैं
बाग़ में फूल हँसे देते हैं बेदर्दी से
नाला-ए-मुर्ग़-ए-गिरफ़्तार चले आते हैं
देख कर अबरू-ए-ख़मदार फिरे यूँ आशिक़
ग़ुल है खाए हुए तलवार चले आते हैं
जिस तरह नर्ग़े में चलते हैं ग़ज़ाल-ए-सहरा
यूँ तिरी चश्म के बीमार चले आते हैं
हूँ वो बे-ख़ुद कि ये है नाला-ए-सोज़ाँ पे गुमाँ
शोला-ए-आतिश-ए-रुख़्सार चले आते हैं
चाहिए शोर-ए-क़यामत पए-ताज़ीम उठ्ठे
आप के आशिक़-ए-रफ़्तार चले आते हैं
शोर सुनते हैं जो हम चाक-गरेबानों का
बंद खोले सर-ए-बाज़ार चले आते हैं
हर तरफ़ हश्र में झंकार है ज़ंजीरों की
उन की ज़ुल्फ़ों के गिरफ़्तार चले आते हैं
चल गई तेग़-ए-निगह आज 'तअश्शुक़' पे ज़रूर
लोग उस कूचा से ख़ूँ-बार चले आते हैं
apnī farhat ke din ai yaar chale aate haiñ
kaifiyat par gul-e-ruḳhsār chale aate haiñ
paḌ ga.ī kyā nigah-e-mast tire saaqī kī
laḌkhaḌāte hue mai-ḳhvār chale aate haiñ
yaad kiiñ nashsha meñ Duubī huī āñkheñ kis kī
ġhash tujhe ai dil-e-bīmār chale aate haiñ
raah meñ sāhib-e-iksīr khaḌe haiñ mushtāq
ḳhāksārān-e-dar-e-yār chale aate haiñ
baaġh meñ phuul hañse dete haiñ bedardī se
nāla-e-murġh-e-giraftār chale aate haiñ
dekh kar abru-e-ḳhamdār phire yuuñ āshiq
ġhul hai khaa.e hue talvār chale aate haiñ
jis tarah narġhe meñ chalte haiñ ġhazāl-e-sahrā
yuuñ tirī chashm ke bīmār chale aate haiñ
huuñ vo be-ḳhud ki ye hai nāla-e-sozāñ pe gumāñ
sho.ala-e-ātish-e-ruḳhsār chale aate haiñ
chāhiye shor-e-qayāmat pa.e-ta.azīm uTThe
aap ke āshiq-e-raftār chale aate haiñ
shor sunte haiñ jo ham chāk-garebānoñ kā
band khole sar-e-bāzār chale aate haiñ
har taraf hashr meñ jhankār hai zanjīroñ kī
un kī zulfoñ ke giraftār chale aate haiñ
chal ga.ī teġh-e-nigah aaj 'ta.ashshuq' pe zarūr
log us kūcha se ḳhūñ-bār chale aate haiñ
اپنی فرحت کے دن اے یار چلے آتے ہیں
کیفیت پر گل رخسار چلے آتے ہیں
پڑ گئی کیا نگہ مست ترے ساقی کی
لڑکھڑاتے ہوئے مے خوار چلے آتے ہیں
یاد کیں نشہ میں ڈوبی ہوئی آنکھیں کس کی
غش تجھے اے دل بیمار چلے آتے ہیں
راہ میں صاحب اکسیر کھڑے ہیں مشتاق
خاکساران در یار چلے آتے ہیں
باغ میں پھول ہنسے دیتے ہیں بے دردی سے
نالۂ مرغ گرفتار چلے آتے ہیں
دیکھ کر ابروئے خم دار پھرے یوں عاشق
غل ہے کھائے ہوئے تلوار چلے آتے ہیں
جس طرح نرغے میں چلتے ہیں غزال صحرا
یوں تری چشم کے بیمار چلے آتے ہیں
ہوں وہ بے خود کہ یہ ہے نالۂ سوزاں پہ گماں
شعلۂ آتش رخسار چلے آتے ہیں
چاہئے شور قیامت پئے تعظیم اٹھے
آپ کے عاشق رفتار چلے آتے ہیں
شور سنتے ہیں جو ہم چاک گریبانوں کا
بند کھولے سر بازار چلے آتے ہیں
ہر طرف حشر میں جھنکار ہے زنجیروں کی
ان کی زلفوں کے گرفتار چلے آتے ہیں
چل گئی تیغ نگہ آج تعشقؔ پہ ضرور
لوگ اس کوچہ سے خوں بار چلے آتے ہیں