जोश पर थीं सिफ़त-ए-अब्र-ए-बहारी आँखें
ब गईं आँसुओं के साथ हमारी आँखें
हैं जिलौ में सिफ़त-ए-अब्र-ए-बहारी आँखें
उठने देती हैं कहाँ गर्द-ए-सवारी आँखें
क्यूँ असीरान-ए-क़फ़स की तरफ़ आना छोड़ा
फेर लीं तू ने भी ऐ बाद-ए-बहारी आँखें
सामने आ गई गुल-गश्त में नर्गिस शायद
पलकों से चीं-ब-जबीं हैं जो तुम्हारी आँखें
क्या दुर्र-ए-अश्क से हैं दामन-ए-मिज़्गाँ ममलू
कब ज़बाँ है कि करें शुक्र-गुज़ारी आँखें
देखते हैं तरफ़-ए-चाह-ए-ज़क़न उल्फ़त से
मुफ़्त में हम को डुबोती हैं हमारी आँखें
शोख़ियाँ आहुओं की ज़ेहन में कब आती हैं
कुछ दिनों हम ने भी देखी थीं तुम्हारी आँखें
क़तरा-ए-आब को मुहताज किया गर्दूं ने
याद-ए-अय्याम कि थीं चश्मा-ए-जारी आँखें
दूर से देख के तुम को कोई जी भरता है
कर रही हैं फ़क़त अय्याम-गुज़ारी आँखें
अब्र को देख के हर मर्तबा जोश आता है
अब तो आईं हैं मिरे ज़ब्त से आरी आँखें
जब हटा आइना आगे से हुईं क्या बेचैन
अपने पर आप ही आशिक़ हैं तुम्हारी आँखें
लुत्फ़ देखा न किसी चीज़ का अश्कों के सिवा
आईं थीं रोने को दुनिया में हमारी आँखें
कहती है भर के दम-ए-सर्द ख़िज़ाँ में बुलबुल
ढूँढती हैं तुझे ऐ फ़स्ल-ए-बहारी आँखें
तुम को शर्म आती है हम क़ाबिल-ए-नज़्ज़ारा नहीं
न रहा हुस्न तुम्हारा न हमारी आँखें
क्यूँ चरागाह-ए-ग़ज़ालाँ न कहूँ पलकों को
फिर रही हैं मेरी नज़रों में तुम्हारी आँखें
रोऊँ किस वास्ते गर सामने आना छोड़ा
आप को हुस्न है प्यारा मुझे प्यारी आँखें
कोर हो जाऊँ मगर इश्क़ में रोने को न रोक
नासेहा दिल से ज़ियादा नहीं प्यारी आँखें
सैकड़ों शीशा-ए-दिल बादा-कशों के तोड़े
मोहतसिब से हैं ज़ियादा वो ख़ुमारी आँखें
फूल नर्गिस के गिरे शाख़ से डाली जो नज़र
तेरी आँखों की इताअत में हैं सारी आँखें
फ़र्श हो जाती हैं तुम पाँव जहाँ रखते हो
अदब-आमोज़-ए-मोहब्बत हैं हमारी आँखें
ब'अद मुद्दत के ज़रा होश में आया हूँ आज
फिर दिखा दे मुझे साक़ी वो ख़ुमारी आँखें
अश्क-ए-ख़ूनीं से असीरी में उठा लुत्फ़-ए-बहार
है क़फ़स रश्क-ए-चमन अबर-ए-बहारी आँखें
क्या करें बज़्म-ए-हसीनाँ में 'तअश्शुक़' जा कर
न रहीं क़ाबिल-ए-नज़्ज़ारा हमारी आँखें
josh par thiiñ sifat-e-abr-e-bahārī āñkheñ
ba ga.iiñ āñsuoñ ke saath hamārī āñkheñ
haiñ jilau meñ sifat-e-abr-e-bahārī āñkheñ
uThne detī haiñ kahāñ gard-e-savārī āñkheñ
kyuuñ asīrān-e-qafas kī taraf aanā chhoḌā
pher liiñ tū ne bhī ai bād-e-bahārī āñkheñ
sāmne aa ga.ī gul-gasht meñ nargis shāyad
palkoñ se chīñ-ba-jabīñ haiñ jo tumhārī āñkheñ
kyā durr-e-ashk se haiñ dāman-e-mizhgāñ mamlū
kab zabāñ hai ki kareñ shukr-guzārī āñkheñ
dekhte haiñ taraf-e-chāh-e-zaqan ulfat se
muft meñ ham ko Dubotī haiñ hamārī āñkheñ
shoḳhiyāñ āhuoñ kī zehn meñ kab aatī haiñ
kuchh dinoñ ham ne bhī dekhī thiiñ tumhārī āñkheñ
qatra-e-āb ko muhtāj kiyā gardūñ ne
yād-e-ayyām ki thiiñ chashma-e-jārī āñkheñ
duur se dekh ke tum ko koī jī bhartā hai
kar rahī haiñ faqat ayyām-guzārī āñkheñ
abr ko dekh ke har martaba josh aatā hai
ab to aa.iiñ haiñ mire zabt se aarī āñkheñ
jab haTā aa.ina aage se huiiñ kyā bechain
apne par aap hī āshiq haiñ tumhārī āñkheñ
lutf dekhā na kisī chiiz kā ashkoñ ke sivā
aa.iiñ thiiñ rone ko duniyā meñ hamārī āñkheñ
kahtī hai bhar ke dam-e-sard ḳhizāñ meñ bulbul
DhūñDhtī haiñ tujhe ai fasl-e-bahārī āñkheñ
tum ko sharm aatī hai ham qābil-e-nazzāra nahīñ
na rahā husn tumhārā na hamārī āñkheñ
kyuuñ charāgāh-e-ġhazālāñ na kahūñ palkoñ ko
phir rahī haiñ merī nazroñ meñ tumhārī āñkheñ
ro.uuñ kis vāste gar sāmne aanā chhoḌā
aap ko husn hai pyārā mujhe pyārī āñkheñ
kor ho jā.ūñ magar ishq meñ rone ko na rok
nāsehā dil se ziyāda nahīñ pyārī āñkheñ
saikḌoñ shīsha-e-dil bāda-kashoñ ke toḌe
mohtasib se haiñ ziyāda vo ḳhumārī āñkheñ
phuul nargis ke gire shāḳh se Daalī jo nazar
terī āñkhoñ kī itā.at meñ haiñ saarī āñkheñ
farsh ho jaatī haiñ tum paañv jahāñ rakhte ho
adab-āmoz-e-mohabbat haiñ hamārī āñkheñ
ba.ad muddat ke zarā hosh meñ aayā huuñ aaj
phir dikhā de mujhe saaqī vo ḳhumārī āñkheñ
ashk-e-ḳhūnīñ se asīrī meñ uThā lutf-e-bahār
hai qafas rashk-e-chaman abar-e-bahārī āñkheñ
kyā kareñ bazm-e-hasīnāñ meñ 'ta.ashushuq' jā kar
na rahīñ qābil-e-nazzāra hamārī āñkheñ
جوش پر تھیں صفت ابر بہاری آنکھیں
بہ گئیں آنسوؤں کے ساتھ ہماری آنکھیں
ہیں جلو میں صفت ابر بہاری آنکھیں
اٹھنے دیتی ہیں کہاں گرد سواری آنکھیں
کیوں اسیران قفس کی طرف آنا چھوڑا
پھیر لیں تو نے بھی اے باد بہاری آنکھیں
سامنے آ گئی گلگشت میں نرگس شاید
پلکوں سے چیں بہ جبیں ہیں جو تمہاری آنکھیں
کیا در اشک سے ہیں دامن مژگاں مملو
کب زباں ہے کہ کریں شکر گزاری آنکھیں
دیکھتے ہیں طرف چاہ ذقن الفت سے
مفت میں ہم کو ڈبوتی ہیں ہماری آنکھیں
شوخیاں آہوؤں کی ذہن میں کب آتی ہیں
کچھ دنوں ہم نے بھی دیکھی تھیں تمہاری آنکھیں
قطرۂ آب کو محتاج کیا گردوں نے
یاد ایام کہ تھیں چشمہ جاری آنکھیں
دور سے دیکھ کے تم کو کوئی جی بھرتا ہے
کر رہی ہیں فقط ایام گزاری آنکھیں
ابر کو دیکھ کے ہر مرتبہ جوش آتا ہے
اب تو آئیں ہیں مرے ضبط سے عاری آنکھیں
جب ہٹا آئنہ آگے سے ہوئیں کیا بے چین
اپنے پر آپ ہی عاشق ہیں تمہاری آنکھیں
لطف دیکھا نہ کسی چیز کا اشکوں کے سوا
آئیں تھیں رونے کو دنیا میں ہماری آنکھیں
کہتی ہے بھر کے دم سرد خزاں میں بلبل
ڈھونڈھتی ہیں تجھے اے فصل بہاری آنکھیں
تم کو شرم آتی ہے ہم قابل نظارہ نہیں
نہ رہا حسن تمہارا نہ ہماری آنکھیں
کیوں چراگاہ غزالاں نہ کہوں پلکوں کو
پھر رہی ہیں میری نظروں میں تمہاری آنکھیں
روؤں کس واسطے گر سامنے آنا چھوڑا
آپ کو حسن ہے پیارا مجھے پیاری آنکھیں
کور ہو جاؤں مگر عشق میں رونے کو نہ روک
ناصحا دل سے زیادہ نہیں پیاری آنکھیں
سیکڑوں شیشۂ دل بادہ کشوں کے توڑے
محتسب سے ہیں زیادہ وہ خماری آنکھیں
پھول نرگس کے گرے شاخ سے ڈالی جو نظر
تیری آنکھوں کی اطاعت میں ہیں ساری آنکھیں
فرش ہو جاتی ہیں تم پاؤں جہاں رکھتے ہو
ادب آموز محبت ہیں ہماری آنکھیں
بعد مدت کے ذرا ہوش میں آیا ہوں آج
پھر دکھا دے مجھے ساقی وہ خماری آنکھیں
اشک خونیں سے اسیری میں اٹھا لطف بہار
ہے قفس رشک چمن ابر بہاری آنکھیں
کیا کریں بزم حسیناں میں تعشقؔ جا کر
نہ رہیں قابل نظارہ ہماری آنکھیں