दिल जल के रह गए ज़क़न-ए-रश्क-ए-माह पर
इस क़ाफ़िला को प्यास ने मारा है चाह पर
गेसू को नाज़ है दिल-ए-रौशन की चाह पर
परवाना ये चराग़ है मार-ए-सियाह पर
नींद उड़ गई गिराँ है ये शब रश्क-ए-माह पर
बिजली न क्यूँ फ़लक से गिरे मेरी आह पर
है याद ख़ुफ़्तगान-ए-ज़मीं का जो ख़त्त-ए-सब्ज़
भूले से मैं क़दम नहीं रखता गियाह पर
लुटता है ख़ाना-ए-दिल-ए-आशिक़ बचाइए
बिगड़ी हुई है फ़ौज-ए-मिज़ा किस गुनाह पर
तासीर का है ख़ौफ़ उन्हें ऐन शौक़ में
है दिल पे हाथ कान हैं आवाज़-ए-आह पर
महशर बपा है बंद हैं कुश्तों के रास्ते
क़द बाढ़ पर है बाढ़ है तेग़-ए-निगाह पर
क्या आदमी की ख़ाक को रौंदूँ मैं रहम-दिल
रोता है पाएमाली-ए-मर्दुम-गियाह पर
कहते हो किस के क़ल्ब में उठता है शब को दर्द
रोता है दिल मिरा मिरे हाल-ए-तबाह पर
आख़िर तलाश-ए-गोर हुई दिल को इश्क़ में
बरसों तबाह हो के अब आया है राह पर
दिल के मुआमले में न हो दख़्ल ग़ैर को
लेना जो हो तो लीजिए अपनी निगाह पर
ऊपर की साँस लेने का आज़ार हो गया
जिस की नज़र पड़ी तिरी तिरछी निगाह पर
बख़िया जराहत-ए-दिल-ए-नाज़ुक-मिज़ाज का
मौक़ूफ़ है हुज़ूर के तार-ए-निगाह पर
dil jal ke rah ga.e zaqan-e-rashk-e-māh par
is qāfila ko pyaas ne maarā hai chaah par
gesū ko naaz hai dil-e-raushan kī chaah par
parvāna ye charāġh hai mār-e-siyāh par
niiñd uḌ ga.ī girāñ hai ye shab rashk-e-māh par
bijlī na kyuuñ falak se gire merī aah par
hai yaad ḳhuftgān-e-zamīñ kā jo ḳhatt-e-sabz
bhūle se maiñ qadam nahīñ rakhtā giyāh par
luTtā hai ḳhāna-e-dil-e-āshiq bachā.iye
bigḌī huī hai fauj-e-mizha kis gunāh par
tāsīr kā hai ḳhauf unheñ ain shauq meñ
hai dil pe haath kaan haiñ āvāz-e-āh par
mahshar bapā hai band haiñ kushtoñ ke rāste
qad baaḌh par hai baaḌh hai teġh-e-nigāh par
kyā aadmī kī ḳhaak ko rauñdūñ maiñ rahm-dil
rotā hai pā.emāli-e-mardum-giyāh par
kahte ho kis ke qalb meñ uThtā hai shab ko dard
rotā hai dil mirā mire hāl-e-tabāh par
āḳhir talāsh-e-gor huī dil ko ishq meñ
barsoñ tabāh ho ke ab aayā hai raah par
dil ke muāmle meñ na ho daḳhl ġhair ko
lenā jo ho to lījiye apnī nigāh par
uupar kī saañs lene kā āzār ho gayā
jis kī nazar paḌī tirī tirchhī nigāh par
baḳhiya jarāhat-e-dil-e-nāzuk-mizāj kā
mauqūf hai huzūr ke tār-e-nigāh par
دل جل کے رہ گئے ذقن رشک ماہ پر
اس قافلہ کو پیاس نے مارا ہے چاہ پر
گیسو کو ناز ہے دل روشن کی چاہ پر
پروانہ یہ چراغ ہے مار سیاہ پر
نیند اڑ گئی گراں ہے یہ شب رشک ماہ پر
بجلی نہ کیوں فلک سے گرے میری آہ پر
ہے یاد خفتگان زمیں کا جو خط سبز
بھولے سے میں قدم نہیں رکھتا گیاہ پر
لٹتا ہے خانۂ دل عاشق بچایئے
بگڑی ہوئی ہے فوج مژہ کس گناہ پر
تاثیر کا ہے خوف انہیں عین شوق میں
ہے دل پہ ہاتھ کان ہیں آواز آہ پر
محشر بپا ہے بند ہیں کشتوں کے راستے
قد باڑھ پر ہے باڑھ ہے تیغ نگاہ پر
کیا آدمی کی خاک کو روندوں میں رحم دل
روتا ہے پائمالیٔ مردم گیاہ پر
کہتے ہو کس کے قلب میں اٹھتا ہے شب کو درد
روتا ہے دل مرا مرے حال تباہ پر
آخر تلاش گور ہوئی دل کو عشق میں
برسوں تباہ ہو کے اب آیا ہے راہ پر
دل کے معاملہ میں نہ ہو دخل غیر کو
لینا جو ہو تو لیجئے اپنی نگاہ پر
اوپر کی سانس لینے کا آزار ہو گیا
جس کی نظر پڑی تری ترچھی نگاہ پر
بخیہ جراحت دل نازک مزاج کا
موقوف ہے حضور کے تار نگاہ پر