उन को जिगर की जुस्तुजू उन की नज़र को क्या करूँ
मुझ को नज़र की आरज़ू अपने जिगर को क्या करूँ
रात ही रात में तमाम तय हुए उम्र के मक़ाम
हो गई ज़िंदगी की शाम अब मैं सहर को क्या करूँ
वहशत-ए-दिल फ़ुज़ूँ तो है हाल मिरा ज़ुबूँ तो है
इश्क़ नहीं जुनूँ तो है उस के असर को क्या करूँ
फ़र्श से मुतमइन नहीं पस्त है ना-पसंद है
अर्श बहुत बुलंद है ज़ौक़-ए-नज़र को क्या करूँ
हाए कोई दवा करो हाए कोई दुआ करो
हाए जिगर में दर्द है हाए जिगर को क्या करूँ
अहल-ए-नज़र कोई नहीं इस लिए ख़ुद-पसंद हूँ
आप ही देखता हूँ मैं अपने हुनर को क्या करूँ
तर्क-ए-तअल्लुक़ात पर गिर गई बर्क़-ए-इल्तिफ़ात
राहगुज़र में मिल गए राहगुज़र को क्या करूँ
un ko jigar kī justujū un kī nazar ko kyā karūñ
mujh ko nazar kī aarzū apne jigar ko kyā karūñ
raat hī raat meñ tamām tai hue umr ke maqām
ho ga.ī zindagī kī shaam ab maiñ sahar ko kyā karūñ
vahshat-e-dil fuzūñ to hai haal mirā zubūñ to hai
ishq nahīñ junūñ to hai us ke asar ko kyā karūñ
farsh se mutma.in nahīñ past hai nā-pasand hai
arsh bahut buland hai zauq-e-nazar ko kyā karūñ
haa.e koī davā karo haa.e koī duā karo
haa.e jigar meñ dard hai haa.e jigar ko kyā karūñ
ahl-e-nazar koī nahīñ is liye ḳhud-pasand huuñ
aap hī dekhtā huuñ maiñ apne hunar ko kyā karūñ
tark-e-ta.alluqāt par gir ga.ī barq-e-iltifāt
rāhguzar meñ mil ga.e rāhguzar ko kyā karūñ
ان کو جگر کی جستجو ان کی نظر کو کیا کروں
مجھ کو نظر کی آرزو اپنے جگر کو کیا کروں
رات ہی رات میں تمام طے ہوئے عمر کے مقام
ہو گئی زندگی کی شام اب میں سحر کو کیا کروں
وحشت دل فزوں تو ہے حال مرا زبوں تو ہے
عشق نہیں جنوں تو ہے اس کے اثر کو کیا کروں
فرش سے مطمئن نہیں پست ہے نا پسند ہے
عرش بہت بلند ہے ذوق نظر کو کیا کروں
ہائے کوئی دوا کرو ہائے کوئی دعا کرو
ہائے جگر میں درد ہے ہائے جگر کو کیا کروں
اہل نظر کوئی نہیں اس لیے خود پسند ہوں
آپ ہی دیکھتا ہوں میں اپنے ہنر کو کیا کروں
ترک تعلقات پر گر گئی برق التفات
راہ گزر میں مل گئے راہ گزر کو کیا کروں