तुम्हें जो मेरे ग़म-ए-दिल से आगही हो जाए
जिगर में फूल खिलें आँख शबनमी हो जाए
अजल भी उस की बुलंदी को छू नहीं सकती
वो ज़िंदगी जिसे एहसास-ए-ज़िंदगी हो जाए
यही है दिल की हलाकत यही है इश्क़ की मौत
निगाह-ए-दोस्त पे इज़हार-ए-बेकसी हो जाए
ज़माना दोस्त है किस किस को याद रक्खोगे
ख़ुदा करे कि तुम्हें मुझ से दुश्मनी हो जाए
सियाह-ख़ाना-ए-दिल में है ज़ुल्मतों का हुजूम
चराग़-ए-शौक़ जलाओ कि रौशनी हो जाए
तुलू-ए-सुब्ह पे होती है और भी नमनाक
वो आँख जिस की सितारों से दोस्ती हो जाए
अजल की गोद में 'क़ाबिल' हुई है उम्र तमाम
अजब नहीं जो मिरी मौत ज़िंदगी हो जाए
tumheñ jo mere ġham-e-dil se āgahī ho jaa.e
jigar meñ phuul khileñ aañkh shabnamī ho jaa.e
ajal bhī us kī bulandī ko chhū nahīñ saktī
vo zindagī jise ehsās-e-zindagī ho jaa.e
yahī hai dil kī halākat yahī hai ishq kī maut
nigāh-e-dost pe iz.hār-e-bekasī ho jaa.e
zamāna dost hai kis kis ko yaad rakkhoge
ḳhudā kare ki tumheñ mujh se dushmanī ho jaa.e
siyāh-ḳhāna-e-dil meñ hai zulmatoñ kā hujūm
charāġh-e-shauq jalāo ki raushnī ho jaa.e
tulū-e-sub.h pe hotī hai aur bhī namnāk
vo aañkh jis kī sitāroñ se dostī ho jaa.e
ajal kī god meñ 'qābil' huī hai umr tamām
ajab nahīñ jo mirī maut zindagī ho jaa.e
تمہیں جو میرے غم دل سے آگہی ہو جائے
جگر میں پھول کھلیں آنکھ شبنمی ہو جائے
اجل بھی اس کی بلندی کو چھو نہیں سکتی
وہ زندگی جسے احساس زندگی ہو جائے
یہی ہے دل کی ہلاکت یہی ہے عشق کی موت
نگاہ دوست پہ اظہار بیکسی ہو جائے
زمانہ دوست ہے کس کس کو یاد رکھوگے
خدا کرے کہ تمہیں مجھ سے دشمنی ہو جائے
سیاہ خانۂ دل میں ہے ظلمتوں کا ہجوم
چراغ شوق جلاؤ کہ روشنی ہو جائے
طلوع صبح پہ ہوتی ہے اور بھی نمناک
وہ آنکھ جس کی ستاروں سے دوستی ہو جائے
اجل کی گود میں قابلؔ ہوئی ہے عمر تمام
عجب نہیں جو مری موت زندگی ہو جائے