तुम्हारे चेहरे पे ध्यान ऐसे टिका हुआ है
तमाम सम्तों को एक जानिब रखा हुआ है
हरे दरख़्तों से बेलें कैसे लिपट रही हैं
ज़मीन पर आसमान कैसे झुका हुआ है
वो एक लड़की जो मर रही है हया के मारे
वो एक लड़का जो देखने पर तुला हुआ है
शब-ए-विसाल उस का सुर्ख़ आँचल मुसल्ला कर के
बदन-वज़ीफ़े का विर्द जारी रखा हुआ है
तू सिर्फ़ वहशत के दम पे दिल-दश्त में ना आना
ये इस्म भी राएगाँ है मेरा पढ़ा हुआ है
फिर उस के बा'द उस ने मेरी आँखें भी गीली कर दीं
मैं पूछ बैठा था तेरी आँखों को क्या हुआ है
ये वक़्त-ए-मग़रिब से क़ब्ल का आफ़्ताब 'सरमद'
ये उस के हाथों में कैसे कैसे लगा हुआ है
tumhāre chehre pe dhyān aise Tikā huā hai
tamām samtoñ ko ek jānib rakhā huā hai
hare daraḳhtoñ se beleñ kaise lipaT rahī haiñ
zamīn par āsmān kaise jhukā huā hai
vo ek laḌkī jo mar rahī hai hayā ke maare
vo ek laḌkā jo dekhne par tulā huā hai
shab-e-visāl us kā surḳh āñchal musallā kar ke
badan-vazīfe kā vird jaarī rakhā huā hai
tū sirf vahshat ke dam pe dil-dasht meñ nā aanā
ye ism bhī rā.egāñ hai merā paḌhā huā hai
phir us ke baa'd us ne merī āñkheñ bhī giilī kar diiñ
maiñ pūchh baiThā thā terī āñkhoñ ko kyā huā hai
ye vaqt-e-maġhrib se qabl kā āftāb 'sarmad'
ye us ke hāthoñ meñ kaise kaise lagā huā hai
تمہارے چہرے پہ دھیان ایسے ٹکا ہوا ہے
تمام سمتوں کو ایک جانب رکھا ہوا ہے
ہرے درختوں سے بیلیں کیسے لپٹ رہی ہیں
زمین پر آسمان کیسے جھکا ہوا ہے
وہ ایک لڑکی جو مر رہی ہے حیا کے مارے
وہ ایک لڑکا جو دیکھنے پر تلا ہوا ہے
شب وصال اس کا سرخ آنچل مصلیٰ کر کے
بدن وظیفے کا ورد جاری رکھا ہوا ہے
تو صرف وحشت کے دم پہ دل دشت میں نا آنا
یہ اسم بھی رائیگاں ہے میرا پڑھا ہوا ہے
پھر اس کے بعد اس نے میری آنکھیں بھی گیلی کر دیں
میں پوچھ بیٹھا تھا تیری آنکھوں کو کیا ہوا ہے
یہ وقت مغرب سے قبل کا آفتاب سرمدؔ
یہ اس کے ہاتھوں میں کیسے کیسے لگا ہوا ہے